راولپنڈی(این این آئی،مانیٹرنگ ڈیسک)عدالت نے ایم ایس سی کی طالبہ کے اغواء اورزیادتی کے مقدمہ میں ملوث جوڑے کو سزا سنا دی گئی،مجرمان نے ایم ایس سی کی طالبہ کو اغواء کرکے زیادتی کا نشانہ بنایا اوراس کی ویڈیو بھی بنائی تھی،مجرمان کو سزائیں ایڈیشنل اینڈ ڈسٹرکٹ سیشن جج
جہانگیر علی گوندل نے سنائیں،معزز عدالت نے جرم ثابت ہونے پر مجرم قاسم جہانگیرکو سزائے موت، عمرقید اور03سال قید معہ 25لاکھ روپے جرمانے جبکہ مجرمہ کرن محمود کو عمرقیداور03سال قید معہ 20لاکھ روپے جرمانے کی سزا ئیں سنائیں ،تفصیلات کے مطابق سٹی پولیس آفیسر محمد احسن یونس کی ہدایت پرراولپنڈی پولیس سنگین مقدمات میں ملوث ملزمان کو گرفتارکرنے کے بعد ٹھوس شواہد کے ساتھ چالان اورمقدمات کی موثر پیروی کررہی ہے،راولپنڈی پولیس کی موثر تفتیش اورپیروی مقدمہ کے پیش نظر ایم ایس سی کی طالبہ کے اغواء اورزیادتی کے مقدمہ میں ملوث جوڑے کو سزا ئیں سنا دی گئیں،مجرمان نے ایم ایس سی کی طالبہ کو اغواء کرکے زیادتی کا نشانہ بنایا اوراس کی ویڈیو بھی بنائی تھی،مجرمان کو سزائیں ایڈیشنل اینڈ ڈسٹرکٹ سیشن جج جہانگیر علی گوندل نے سنائیں،معزز عدالت نے جرم ثابت ہونے پر مجرم قاسم جہانگیر کو زیادتی کے جرم میں سزائے موت معہ05لاکھ روپے جرمانہ،اغواء کے جرم میں
عمرقید معہ 10لاکھ روپے جرمانہ جبکہ انسداد الیکٹرونک کرائم ایکٹ کے جرم میں 03سال قید معہ 10لاکھ روپے جرمانے کی سزا سنائی اورمتاثرہ لڑکی کو 10لاکھ روپے ہرجانہ ادا کرنے کا حکم بھی دیاگیا،جبکہ مجرم کی بیوی کرن محمود کواغواء کے جرم میں عمرقید معہ 10لاکھ
روپے اور انسداد الیکٹرونک کرائم ایکٹ کے جرم میں 03سال قید معہ 10لاکھ روپے جرمانے کی سزا سنائی گئی ،مجرمان نے اگست 2019میں ایم ایس سی کی طالبہ کو تھانہ سٹی کے علاقے سے اغواء کیااورگلستان کالونی میں اپنے گھر پر زیادتی کا نشانہ بنایااوراس کی ویڈیو ز اورتصاویر
وغیر ہ بھی بنائی تھی،متاثر ہ لڑکی کی درخواست پر تھانہ سٹی میں اگست 2019میں مقدمہ درج کیاگیاتھا،ایس ایس پی انوسٹی گیشن محمد فیصل کی زیر نگرانی انوسٹی گیشن اور لیگل ٹیم نے ملزمان کو ٹھوس شواہد کے ساتھ چالان کرنے کے بعد مقدمہ کی موثر پیروی کی جس کے
پیش نظر معزز عدالت کے جج نے ملزمان کو جرم ثابت ہونے پر قرار واقعی سزائیں سنائیں،پولیس کے مطابق سزائے موت پانے والا ملزم قاسم جہانگیر 45 بچیوں کے ساتھ جبری زیادتی اور ان کی فحش ویڈیوز بنانے میں ملوث رہا ہے، جبکہ ملزم کی بیوی کرن انہیں ویڈیوز کو آن لائن سمیت دیگر ذرائع سے فروخت کرتی تھی۔سی پی اومحمد احسن یونس نے ایس ایس پی انوسٹی گیشن ،انوسٹی گیشن ولیگل ٹیموں کو شاباش دیتے ہوئے کہاکہ راولپنڈی پولیس خواتین سے زیادتی پر زیروٹالیرنس پالیسی پر عمل پیرا ہے ،مجرمان کو قرار واقعی سزائیں ملنا حق اورانصاف کی جیت ہے۔
