اسلام آباد (این این آئی)وزیر اعظم عمران خان کی جانب سے اپنے سوشل میڈیا اکاؤنٹ پر سال 2014ء کی ایک پرانی تصویر شیئر کی گئی ہے جس میں وہ ایک کلاس روم میں بچوں کے ساتھ بیٹھے ہوئے ہیں۔وزیر اعظم عمران خان پاکستان کے 22 ویں جبکہ پاکستانی تاریخ کے پہلے
وزیر اعظم ہیں جو سوشل میڈیا کے سب ہی پلیٹ فارمز کو متواتر استعمال کرتے ہیں اور سوشل میڈیا کی طاقت کو جانتے ہیں۔وزیراعظم عمران خان اپنی پرانی تصاویر شیئر کر کے عوام کے ساتھ اپنی یادیں تازہ کرتے رہتے ہیں، وزیر اعظم کی سوشل میڈیا پر فین فالونگ بھی بہت زیادہ ہے۔حال ہی میں اْنہوں نے سال 2014ء کی تصویر شیئر کی ہے جس میں وزیراعظم عمران خان کو اسکول کے بچوں کے ساتھ ایک کلاس میں بیٹھے دیکھا جا سکتا ہے۔وزیر اعظم کی جانب سے شروع سے ہی پاکستان میں میعاری اور یکساں تعلیم پر خصوصی دی گئی ۔وزیر اعظم عمران خان کی پوسٹ پر تعلیم سے متعلق بات کرتے ہوئے کہا گیا کہ یکساں نصاب متعارف کرانے کا مقصد طلبہ میں تجزیاتی اور تخلیقی صلاحتیں اجاگر کرنا ہے، اس عمل سے معاشرے کے تمام طبقات کو با اختیار بنانے کے مساوی مواقع فراہم ہوں گے، اس نظام کی کامیابی تدریسی عملے کے انتخاب اور استعداد کار میں اضافے پر منحصر ہے۔انہوں نے لکھا کہ نئی پالیسی کی بدولت پاکستان میں معیاری تعلیم کا حصول ممکن ہوسکے گا، یکساں نظام تعلیم خطے کے دیگر ممالک کے لیے قابل تقلید مثال قائم کرے گی۔
