پیپلز پارٹی نے این آر او کیلئے مارک سیگل کوکتنے لاکھ ڈالرز دیے؟ تہلکہ خیز دعویٰ

  اتوار‬‮ 17 جنوری‬‮ 2021  |  21:35

فیصل آباد(این این آئی)وفاقی پارلیمانی سیکرٹری برائے ریلویز میاں فرخ حبیب نے کہا ہے کہ (ن) لیگ اور پیپلزپارٹی کس منہ سے الیکشن کمیشن کے باہر احتجاج کرنے جارہی ہیں۔دونوں جماعتوں نے چار سال سے سکرونٹی کمیٹی کو اپنے کھاتوں میں آنے والے اربوں روپے کی رسیدیں جمع نہیں کروائیں۔پانچ نومبر کو ڈیڈ لائن بھی گزر گئی اور یہ انکی چوری اور پھر اوپر سے سینہ زوری۔انہوں نے کہا کہ بلاول بھٹو الیکشن کمیشن کو دھمکیاں دینے کی بجائے اپنی جماعت کی فارن فنڈنگ کے حوالے سے جواب دیں۔ پی ٹی آئی کے رہنما فرخ حبیب نے کہا کہ اپوزیشن


جماعتوں نے فنڈنگ سے متعلق الیکشن کمیشن میں تفصیلات جمع نہیں کرائیں۔وفاقی پارلیمانی سیکریٹری برائے ریلوے فرخ حبیب نے پریس کانفرنس سے خطاب کرتے ہوئے دعویٰ کیا کہ پاکستان پیپلز پارٹی نے این آر او کے لیے مارک سیگل اینڈ ایسوسی ایٹس کو 60 لاکھ ڈالرز کی ادائیگی کی ہے۔جب سیاست اہلیت کی بجائے وراثت کی بنیاد پر ملے تو یہی حال ہوتا ہے جو پی ڈی ایم کا ہے۔ پی ڈی ایم کی تحریک دم توڑ چکی ہے، ذاتی مفادات اور کرپشن کو بچانے کی تحریک اب چوراہوں کے جلسوں تک محدود ہو گئی ہے۔ انہوں نے کہا کہ براڈ شیٹ معاملے پر وزیراعظم نے کمیٹی قائم کر دی ہے اور جلدہی کئی اور چہرے سامنے آجائیں گے۔ اپوزیشن کی لوٹ مار نے سب سے زیادہ ملک کو نقصان پہنچایا، نوازشریف لندن بیٹھ کر ملک کے قومی اداروں کے خلاف مسلسل حملہ آور ہیں، شہبازشریف کو عدالت میں پیشی کے موقع پر ڈھٹائی سے جھوٹ بولنے پر شرم آنی چاہئے، نوازشریف، شہبازشریف اور آصف زرداری ملک کے سب سے بڑے چور اور لٹیرے ہیں، اب ان کی نسلیں ملک کو لوٹنے کے لئے سامنے آگئی ہیں۔انہوں نے کہاکہ مریم صفدر کو پی ٹی آئی کی حکومت پر تنقید کرنے سے پہلے شرم آنی چاہئے کیونکہ ملک پر ان کے والد اور ان کے خاندان نے کئی دہائیوں تک حکومت کی اور ملک کودونوں ہاتھوں سے لوٹا، مریم صفدر کا والد اور ان کا خاندان سب سے بڑا کرپٹ اور بددیانت ہے، پانامہ اور براڈ شیٹ سے شریف خاندان کی کرپشن کی داستانیں پوری دنیا میں عیاں ہوچکی ہیں، مریم صفدر جھوٹ بول کر قوم کوگمراہ نہیں کرسکتیں۔انہوں نے کہا کہ 31جنوری بھی گزر جائے گی اور اپوزیشن 2023ء تک ایسے ہی ہلکان ہوتی رہے گی۔ وزیر اعظم عمران خان پر عزم ہیں کہ یہ جو مرضی کرلیں احتساب کے شکنجے کی گرفت نرم نہیں ہو گی اور حکومت احتساب کرنے والے اداروں کی راہ میں کوئی رکاوٹ یا ان پر کوئی دباؤ نہیں ڈالے گی۔انہوں نے کہا کہ مسلم لیگ (ن) اورپیپلز پارٹی کی سیاست اس نہج پر پہنچ گئی ہے کہ مولانا فضل الرحمان ان کی قیادت کر رہے ہیں۔


زیرو پوائنٹ

نپولین فالٹ

نپولین بونا پارٹ 18 جون 1815ء کو واٹر لو میں آخری جنگ ہار گیا‘ فرانس کے عروج کا سورج ڈھل گیاتاہم نپولین گرتے گرتے برطانیہ کے تمام توسیع پسندانہ خواب چکنا چور کر گیا‘ انگریزوں کی ایسٹ انڈیا جیسی کمپنیاں دنیا کے درجنوں خطے ہڑپ کر چکی تھیں‘ بادشاہ کا خیال تھا یہ کام یابیاں انیسویں صدی کے آخر تک ....مزید پڑھئے‎

نپولین بونا پارٹ 18 جون 1815ء کو واٹر لو میں آخری جنگ ہار گیا‘ فرانس کے عروج کا سورج ڈھل گیاتاہم نپولین گرتے گرتے برطانیہ کے تمام توسیع پسندانہ خواب چکنا چور کر گیا‘ انگریزوں کی ایسٹ انڈیا جیسی کمپنیاں دنیا کے درجنوں خطے ہڑپ کر چکی تھیں‘ بادشاہ کا خیال تھا یہ کام یابیاں انیسویں صدی کے آخر تک ....مزید پڑھئے‎