اسلام آباد(مانیٹرنگ ڈیسک ) نجی ٹی وی پروگرام میں عمر شیخ کے تبادلے پر صحافی محمد مالک نے سوال اٹھا کہ آخر وزیراعظم عمران خان نے کچھ کیوں نہیں کیا ؟ جس کے جواب میں سینئر تجزیہ کار رئوف کلاسرا کا کہنا تھا کہ وزیراعظم عمران خان اس وقت وہی کریں گے
جو انہیں وزیراعلی پنجاب سردار عثمان بزدار کہیں گے کیونکہ اس کےسے قبل کئی بار وزیراعلیٰ پنجاب سے متعلق کئی رپورٹس ان کے سامنے آچکیں ہیں ۔ پروگرام میں موجود سینئر اینکر پرسن مہر بخاری کا کہنا تھا کہ وزیراعظم عمران خان کے سامنے جب بھی وزیراعلی پنجاب سے متعلق کوئی بھی چیز رکھی گئی تو انہوں نے ایک ہی جواب دیا چلو یہ چھوٹی موٹی چوری کرتا جو دوسرا آئے گا وہ بڑی چوری کرے گا ۔عمران خان کے پاس متعدد رپورٹس رکھی گئی لیکن انہوں نے ہر بار انہیں رد کر دیا ۔ مہر بخاری کا کہنا تھا کہ اگر اس کے بعد وہ بھی معاملے کی نوعیت کو نہیں سمجھنا چاہتے تو پھر ان کی اپنی مرضی ہے ۔
