ہفتہ‬‮ ، 22 جون‬‮ 2024 

فیصل آباد میں ڈکیتی کی واردات کےدوران 3ڈاکوئوں کی لڑکی سے اجتماعی آبروریزی

datetime 29  دسمبر‬‮  2020
ہمارا واٹس ایپ چینل جوائن کریں

فیصل آباد (آن لائن )ڈاکوئوں کے گروہ کی کاشتکار کے گھر لوٹ مار ‘ مزاحمت پرخواتین پرتشدد،کاشتکار کی اہلیہ کوآبرو ریزی کا نشانہ بنا کر لاکھوں روپے مالیت کے زیورات نقدی اور قیمتی سامان لوٹ کر فرار ہوگئے جبکہ شہر اور گردونواح میں ڈکیتی ،چوری اور راہزنی کی 70سے زائدوارداتوں میں لاکھوں کا نقصان‘سرراہ نہتے شہریوں سے لوٹ مار کا

سلسلہ رک نہ سکا‘چوروں نے بھی درجنوں گاڑیاں‘لاکھوں مالیت کا قیمتی سامان چرا لیا‘پولیس وارداتوں کا سراغ لگانے میں کامیاب نہ ہوسکی آن لائن کے مطابق 192گ ب گوجرہ روڈ بستی اسلام نگر کے رہائشی محمد شاہد نے پولیس رپورٹ میں بتایا کہ گزشتہ شب ساڑھے تین بجے کے قریب دس مسلح ڈاکو دیواریں پھلانگ کر انکے گھر داخل ہوئے بیٹھک میں سوئے ہوئے اس کے بھائی ساجد اور برادر نسبتی شہباز کو جگایا اور گن پوائنٹ پرہاتھ پائوں باندھ کر کمرہ میں بند کردیا اور پھر دوسرے کمرے میں اسکے بھائی عرفان اور اسکی فیملی کو اور اس طرح دیگر کمروں میں سوئے ہوئے اسکے بھائیوں غفار اور اسکی فیملی کو گن پوائنٹ پر ہراساں کرکے نقدی اور زیورات چھینے اور مزاحمت پر اسکی اہلیہ بشریٰ بی بی کو نہ صرف تشدد کا نشانہ بنایا بلکہ دوسرے کمرے میں لیجا کر مبینہ طور پر آبر و ریزی کا نشانہ بنایا۔ مزاحمت کرنے پر خواتین زرینہ بی بی زوجہ عرفان ‘ پروین بی بی زوجہ غفار کو بھی بری طرح تشدد کا نشانہ بناتے رہے ‘ اور تسلی کے ساتھ گھر کی تلاشی لیتے ہوئے گیارہ تولے طلائی زیورات ‘ ایک لاکھ تریسٹھ ہزار روپے نقدی اور قیمتی سامان لوٹ کر فرار ہوگئے پولیس نے کارروائی عمل میں لاتے ہوئے زیر دفعہ 376,395ت پ کے تحت مقدمہ درج کرکے ڈاکوئوں کی تلاش شروع کردی ‘ تاہم ابھی تک پولیس مذکورہ اوباش ڈاکوئوں کے گروہ کا سراغ لگانے میں کامیاب نہ ہوسکی ۔

موضوعات:



کالم



صدقہ‘ عاجزی اور رحم


عطاء اللہ شاہ بخاریؒ برصغیر پاک و ہند کے نامور…

شرطوں کی نذر ہوتے بچے

شاہ محمد کی عمر صرف گیارہ سال تھی‘ وہ کراچی کے…

یونیورسٹیوں کی کیا ضرروت ہے؟

پورڈو (Purdue) امریکی ریاست انڈیانا کا چھوٹا سا قصبہ…

کھوپڑیوں کے مینار

1750ء تک فرانس میں صنعت کاروں‘ تاجروں اور بیوپاریوں…

سنگ دِل محبوب

بابر اعوان ملک کے نام ور وکیل‘ سیاست دان اور…

ہم بھی

پہلے دن بجلی بند ہو گئی‘ نیشنل گرڈ ٹرپ کر گیا…

صرف ایک زبان سے

میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…