کراچی(مانیٹرنگ ڈیسک )سعودی عرب کی جانب سے سفری پابندیوں میں نرمی کے بعد قومی ایئر لائن نے فلائیٹ آپریشن شروع کرنے کا اعلان کر دیا ہے۔نجی ٹی وی اے آر وائے کے مطابق پی آئی اے یک طرفہ اجازت نامے کے باوجود دیار غیر میں پھنسے پاکستانیوں کے لیے پروازیں چلائے گی، کرونا وائرس کی
نئی قسم کے باعث کیسز میں اضافے کی وجہ سے سعودی حکومت نے صرف یک طرفہ اجازت دی ہے۔پی آئی اے کا کہنا ہے کہ یک طرفہ آپریشن کے باعث مالی بوجھ تو پڑے گا مگر ہم وطنوں کی واپسی بھی ضروری ہے، سی ای او ایئر مارشل ارشد ملک کی خصوصی ہدایات پر پی آئی اے پیر (کل) سے آپریشن شروع کر دے گی۔
