لاہور (این این آئی) پولیس نے پی ڈی ایم کے جلسے میں رکاوٹ ڈالنے کے لئے لیگی کارکنوں کے گھروں پر چھاپے مارنے شروع کردئیے ۔ بتایاگیاہے کہ پولیس نے مسلم لیگ (ن)پنجاب کی سیکرٹری اطلاعات عظمی بخاری کے گھر پر چھاپہ مار اگھر پر موجود نہ ہونے کی وجہ سے

عظمی بخاری پولیس کے ہتھے نہ چڑھ سکیں ،پولیس ملازمین سے عظمی بخاری بارے معلومات لے کر واپس چلی گئی۔دوسری جانب مسلم لیگ(ن)پنجاب کی سیکرٹری اطلاعات عظمی بخاری نے کہا ہے کہ فردوس باجی پی ڈی ایم ہی جعلی تبدیلی کا تابوت سمندر برد کرے گی،پارلیمنٹ اور پی ٹی وی پر حملہ کرنے والے شرپسند عناصر ہمیں درس نہ دیں۔ عظمی بخاری نے فردوس عاشق اعوان کے بیان پر ردعمل کااظہار کرتے ہوئے کہاکہ نوازشریف نے ایک ڈکٹیٹر سے سپریم کورٹ آزاد کرائی،نوازشریف ایک مرتبہ پھر ڈکٹیٹر کے چمچے وزیراعظم سے پارلیمنٹ کو آزاد کرائیں گے،جیسے جیسے 13دسمبر قریب آرہا ہے کرائے  کے ترجمانوں کو اپنی نوکریاں جاتی نظر آرہی ہیں۔ا نہوںنے کہاکہ لاہور نے ثابت کردیا مریم نواز ان کی ہر دلعزیز لیڈر ہیں۔ملکی اور غیر ملکی میڈیا مریم نواز کو کراڈ پلر قراردے چکا ہے۔انہوںنے کہاکہ جس دن مریم نواز پارلیمنٹ پہنچی سب مہرے،لوٹے اور چابی والے کھلونے پارلیمنٹ سے کِک آئوٹ ہونگے۔

موضوعات:عظمیٰ بخاری