اسلام آباد(آن لائن)کورونا کیسز میں اضافے کے پیش نظر چیف جسٹس اسلام آباد ہائیکورٹ نے ای کورٹس سسٹم مزید فعال بنانے کا حکم دے دیا۔ عدالتی تاریخ میں پہلی مرتبہ کورونا سے متاثرہ جسٹس میاں گل حسن نے گھر سے کیسز کی سماعت کی۔اسلام آباد ہائیکورٹ کی وکلاء، سائلین کو بھی مقدمات کی پیروی آن لائن کرنے کی پیشکش کر دی گئی،عدالت نے حکم دیا کہ وکلاء کسی بھی جگہ سے آن لائن کیسز میں دلائل دے سکتے ہیں۔

مقدمات کی تفصیل،تاریخ اور آرڈر شیٹ بھی آن لائن حاصل کی جاسکتی ہے۔اسلام آباد ہائیکورٹ کا تمام مقدمات کی جوڈیشل فائلز کا ای ریکارڈ بنانے کا فیصلہ کر لیا گیا ہے۔اس کے علاوہ مقدمات کے عبوری فیصلوں کی بھی آن لائن سہولت ہوگی عدالتی حکام کے مطابق اسلام آباد ہائیکورٹ اب تک 10 ہزار فائلز کی سکیننگ مکمل کرچکی مارچ سے اب تک درجنوں وکلاء آن لائن اپنے مقدمات کی پیروی کرچکے ہوں گے۔