کراچی (این این آئی) مینمم ویجز بورڈ کے چیئرمین زاہد حسین کیمپیو کے جاری کردہ نوٹیفکیشن کے مطابق حکومت سندھ نے غیر ہنر مند مزدوروں کی کم از کم اجرت ماہانہ 17500 روپے مقرر کردی ہے اور سندھ مینمم ویجز ایکٹ 2015 کے تحت تمام تجارتی و صنعتی ادارے غیر ہنر مزدوروں کو حکومت سندھ کی مقرر کردہ اجرت دینے کے پابند ہیں۔ چیئرمین سندھ مینمم ویجز بورڈ زاہد
حسین کیمپیو نے اپنے ایک بیان میں کہا ہے کہ اگر کسی کو اس سلسلے میں شکایت ہو تو وہ ان نمبرز پر -99211344 021اور 03003013110 اپنی شکایت درج کروا سکتا ہے اور شکایت ملنے پر ایکٹ کی پاسداری نہ کرنے والے ادارے کے خلاف قانون کے مطابق کارروائی کی جائے گی۔ انہوں نے مزید بتایا کہ مذکورہ قانون یکم جولائی 2019 سے نافذ العمل ہے۔
