اسلام آباد (این این آئی)پارلیمانی سیکریٹری برائے صحت ڈاکٹر نوشین حامد نے کہاہے کہ وزیراعظم عمران خان نے کرونا ویکسین کی ایڈوانس بکنگ کرانے کی منظوری دے دی ہے۔ ٹوئٹر پر اپنے بیان میں ڈاکٹر نوشین حامد نے کہاکہ وزیراعظم عمران خان نے کرونا ویکسین کی ایڈوانس بکنگ

کرانے کی منظوری دے دی جس کے بعد حکومتی سطح پر پاکستان نے 2 بڑی فارماسیوٹیکل کمپنیوں سے رابطہ کیا ہے۔ڈاکٹر نوشین حامد نے کہاکہ پہلے مرحلے میں ایک کروڑ پاکستانیوں کو ویکسین میسر آئے گی،فرنٹ لائن ورکرز اور 65 سال سے بڑی عمر کے لوگوں کو ویکسین لگے گی۔