لاہور( این این آئی ) مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ پنجاب کابینہ کے اجلاس میں دو وزرا ء نے کھل کر عثمان بزدار پر عدم اعتماد کردیا،پہلے پنجاب کے وزرا ء نجی محفلوں میں عثمان بزدار کیخلاف سازشیں کرتے تھے

آج مراد راس اور عنصر مجید نیازی نے پوری کابینہ کے سامنے عثمان بزدار کی کارکردگی پر سوالات اٹھادئیے۔ اپنے بیان میں عظمیٰ بخاری نے کہا کہ ہم تو پہلے دن سے کہہ رہے ہیں عثمان بزدار ایک ڈمی وزیراعلی ہے ،تحریک انصاف کے 20ارکان اسمبلی عثمان بزدار کیخلاف متحرک ہوچکے ہیں،بہت جلد پنجاب میں تین حکومتی وزرا ء کی سربراہی میں فاورڈ بلاک بننے جارہا ہے ،پنجاب کابینہ کے چند باشعور اور باضمیر وزرا ء عثمان بزدار کی کرپشن سے آشنا ہوچکے ہیں،آئندہ آنے والے دنوں میں پنجاب میں ایک بڑی تبدیلی آنے جارہی ہے ،اس تبدیلی کے موجب جلد عثمان بزدار کیخلاف علم بغاوت بلند کرنے کا اعلان کرینگے۔