اسلام آباد (این این آئی)آئل اینڈ گیس ریگولیٹر اتھارٹی (اوگرا) نے پیٹرولیم مصنوعات کی قیمتوں میں ساڑھے 3 روپے فی لیٹر کمی کرنے کی تجویز پیش کر دی۔ذرائع کے مطابق اوگرا نے وفاقی حکومت پیٹرول کی قیمت میں ساڑھے 3 روپے

فی لیٹر،ہائی اسپیڈ ڈیزل کی قیمت میں ڈھائی روپے فی لیٹر کمی کی تجویز دی ہے۔ذرائع کے مطابق وزیراعظم عمران خان کی منظوری کے بعد نئی قیمتوں کا اعلان15 نومبر کو پندرہ روز کے لیے کیا جائے گا۔یاد رہے کہ وفاقی حکومت نے 31 اکتوبر کو پیٹرولیم مصنوعات کی قیمتوں میں کمی کا اعلان کیا تھا۔وزارت خزانہ کی جانب سے اعلامیے کے مطابق پیٹرول کی قیمت ایک روپے57 پیسے کمی کے بعد 102 روپے 40 پیسے فی لیٹر مقرر کی گئی۔اعلامیے کے مطابق ہائی اسپیڈ ڈیزل کی قیمت میں 84 پیسے کمی کا اعلان کیا گیا جب کہ مٹی کے تیل اور لائٹ ڈیزل آئل کی موجودہ قیمتیں برقرار رکھی گئی۔