لاہور(این این آئی) پاکستان مسلم لیگ (ن) لاہورکے جنرل سیکرٹری خواجہ عمران نذیر کو کیمپ جیل سے ضمانت پر رہا کردیا گیا ۔رہائی کے موقع پر مسلم لیگ لاہور کے صدر محمد پرویز ملک ،رمضان صدیق بھٹی،عامر خان سعدیہ تیمور سمیت لیگی کارکنوں کی کثیر تعداد موجود تھی جنہوں نے خواجہ عمران نذیر کی استقبال کیا اور ان پر پھولوں کی پتیاں نچھاور کیں۔
اس موع پر کارکنوں نے فلک شگاف نعرے بھی لگائے مک گیا تیر شو عمران گو عمران گو۔اس موقع پر میڈیا سے گفتگو کرتے ہوئے خواجہ عمران نذیر نے کورونا ٹیسٹ کے باعث راہداری ریمانڈ پر تھانے میں رکھا گیاتھا،قیادت اور کارکنان کا اظہار یک جہتی کرنے پر شکرگزار ہوں۔انہوںنے کہاکہ عوام کا کوئی پرسان حال نہیں،حکومت اپوزیشن کو سیاسی انتقام کا نشانہ بنا رہی ہے جبکہ آٹا اور چینی چوروں کو ریلیف دے رہی ہے۔خواجہ عمران نذیر نے کہا کہ حکومت کو بس اپوزیشن پر مقدمات درج کرنے آتے ہیں،حکومت مقدمات میں پھنسا کر اپوزیشن کی زبان بند کرنا چاہتی ہے۔حکومت اپوزیشن پر انتقامی کاروائیاں کرنے پر مصروف ہے اور عوامی مسائل کی جانب کوئی توجہ نہیں۔خواجہ عمران نذیر کا کہنا تھا کہ حکومت جتنی مرضی گرفتاریاں کر لے تیرہ دسمبر کا جلسہ ہر صورت ہوکر رہے گا،خواجہ عمران نزیر جیل میں بھی ہوتا تو جلسہ ہر صورت ہونا تھا ۔ا نہوںنے کہاکہ مسلم لیگ (ن) ایک خاندان کی طرح ہے،میں کارکنوں کا تہہ دل سے شکرگزار ہوں جنہوں نے چوہنگ سے کیمپ جیل میرے لئے آئے۔
