اسلام آباد(مانیٹرنگ ڈیسک)سابق وزیراعظم نوازشریف کی صاحبزادی اورن لیگ کی نائب صدرمریم نواز جو اس وقت گلگت میں الیکشن مہم چلا رہی ہیں آج ان کی واپسی ہو گی تاہم اس دوران انہوں نے ٹویٹر پر

ایک بچے کی جانب سے اپنا سکیچ بنایا گیا دیکھا تو رہا نہ گیا اور بچے کا شکریہ ادا کرنے کیلئے اس کا نمبر مانگ لیا، ٹویٹر صارف محمد بلال کی جانب سے ایک بچے کی تصویر شیئر کی گئی جو کہ ہاتھ میں مریم نوازشریف کا خاکہ لیے کھڑا ہے ، اس کے ساتھ پیغام درج کرتے ہوئے کہا کہ خیبر پختونخواہ سے تعلق رکھنے والے 13 سالہ بچے نے اپنی لیڈر مریم نوازشریف کیلئے اپنی محبت اور عزت دکھانے کیلئے ان کا خاکہ بنایا ہے ۔ یہ خاکہ مریم نوازشریف کی نظروں سے بھی گزرا اور انہوں نے ٹویٹ کو ری ٹویٹ کرتے ہوئے پیغام جاری کیا کہ مہربانی کر کے مجھے اس کا نمبر دیجیے ، میں اس کا ذاتی حیثیت میں شکریہ ادا کرنا چاہتی ہوں ۔

موضوعات:مریم نواز