چنیوٹ( آن لائن)چار افراد نے جی سی یونیورسٹی کی طالبہ کی اجتماعی طور پر عزت لوٹ لی، ایک ملزم گرفتار جب کہ تین فرار ہونے میں کامیاب تفصیلات کے مطابق جی سی یونیورسٹی کی طالبہ(ار) کے ساتھ شاہد علی اکیڈمی میں پڑھتا تھا گزشتہ روز ملزم
شاہد نے لڑکی کو ورغلا کر چنیوٹ لے آیا اور موضع متھرومہ کے علاقہ میں لے جا کر اپنے دیگر ساتھیوں کے ہمراہ ملزمان ریاض ولد خان محمد، محمد عمران ولد علی محمد، تصور ولد نواز باری باری لڑکی کی عزت سے کھیلتے رہے، وقوعہ کی اطلاع ملتے ہی تھانہ رجوعہ پولیس نے ملزمان کے خلاف مقدمہ درج کر لیا اور ملزم شاہد کو گرفتار کرلیا جبکہ تین ملزمان عمران، ریاض اور تصور تا حال فرار ہیں جن کی گرفتاری کیلئے ڈی پی او چنیوٹ بلا ل ظفر شیخ نے سپیشل ٹیمیں تشکیل دے دی ہیں۔دوسری جانب انسپکٹر جنرل پولیس پنجاب انعام غنی نے چنیوٹ میں یونیورسٹی کی طالبہ سے مبینہ واقعہ کا نوٹس لیتے ہوئے آر پی او فیصل آباد سے واقعہ کی رپورٹ طلب کر کے ملزمان کو جلد از جلد گرفتار کر کے سخت قانونی کارروائی کا بھی حکم دیدیا۔ آئی جی پنجاب کا کہنا ہے کہ متاثرہ لڑکی کوانصاف کی فراہمی ترجیحی بنیادوں پر یقینی بنائی جائے۔
