سوات (این این آئی)سوات اور چارسدہ میں نجی تعلیمی ادارے کھول دیئے گئے، سوات میں اساتذہ کو 15 ستمبر سے قبل اسکول کھولنے پر گرفتار کرلیا گیا ہے۔چارسدہ میں پہلے روز اسکول میں طالبعلموں کی حاضری معمول سے کم رہی، نجی تعلیمی اداروں میں ایس او پیز پر عملدرآمد کیا گیا۔ذرائع کے مطابق چارسدہ کے اسکولوں میں معمول کے مطابق تدریس کا عمل جاری رہا ، ماسک، سنیٹائزر ،

سماجی فاصلے کا خاص خیال رکھا گیا ، پہلے دن طلباء کی حاضری معمول سے کم رہی۔صدر پرائیویٹ اسکولز ایسوسی ایشن احمد شاہ نے بتایا کہ سوات میں اساتذہ کوگرفتار کیا گیا ہے اور ان کے خلاف مقدمات بنائے جارہے ہیں۔ڈپٹی کمشنر (ڈی سی) سوات کا کہنا ہے کہ 15 ستمبر سے پہلے کسی اسکول کو کھولنے کی اجازت نہیں دی ،خلاف ورزی کرنے والے اداروں کی رجسٹریشن منسوخ ہوگی۔

موضوعات:سکول