اسلام آباد (این این آئی) پاکستان مسلم لیگ (ن)کے سینیٹر مصدق ملک نے کہاہے کہ نیب آفس کے باہر پر امن لیگی کارکنوں پر زہریلی گیس پھینکی گئی ،کیا ملک میں دو آئین ہیں۔سینٹ میں اظہار خیال کرتے ہوئے انہوںنے کہاکہ لاہور میں لوگ پرامن بیٹھے تھے اور ان پر زہریلی گیس پھینکی گئی،انسانی حقوق کی بات کریں ،پوری دنیا میں آنسو گیس ، لاٹھیاں چلاتے دیکھا ،کسی نے دیکھا پولیس عوام پر اینٹیں ماریں ؟ ،
اپ گولیاں ماریں لوگوں کو ، سیاسی جماعتوں کو بھی گولی ماریں ، جیل میں بھیجیں ،اینٹیں مت پھینکیں ، گولی ماریں لوگوں کو ،زہریلی گیس ایک ہی دفعہ پھینکے ،سب حقوق ایک ہی جماعت کو حاصل ہیں جو حکومت میں بیٹھی ہے ،کیا کہیں، لکھا ہے ہم غدار ہیں اور کافر ہیں اور حق صرف حکومت میں بیٹھی جماعت کو حاصل ہے،کیا ملک میں دو آئین ہیں،ایک وہ جس حق کے تحت اپ پارلیمنٹ پر حملہ کرتے ہیں سپرئم کورٹ کے باہر شلوار ٹانگتے ہیں ،پی ٹی وی پر سیاسی جماعت قبضہ کرتی ہے اور کہتے ہیں کہ بنیادی حقوق ،آئین میں شاید لکھا ہوا گا کہ یہ حقوق صرف ایک پارٹی کو حاصل ہیں ،یہ حق صرف ایک چار ماہ دھرنا دینے والی جماعت کو حاصل ہے یا فیض آباد دھرنا دینے والے کو۔ پاکستان پیپلزپارٹی کی سینیٹر سسی پلیجو نے کہاکہ احتساب کے نام پر انتقام لیا جا رہا ہے ،سیاسی قیادت کو دیوار سے لگانے کی کوشش کی جا رہی ہے ۔انہوںنے کہاکہ ہم ملک کا استحکام و ترقی چاہتے ہیں ،اٹارنی جنرل کی بات سے بلی تھیلے سے باہر آ گئی ہے ،ایسے کیسے ہو سکتا ہے کہ جب چاہے سندھ سے انتقام لیا جائے ،پارلیمنٹ آکر صوبوں کا دفاع کرنا ہمارا حق ہے ،آئین کی تعریف بدل کر اپنی مرضی کسی کو نہیں کرنے دینگے ۔ انہوںنے کہاکہ سندھ کی عوام کے آنکھیں بند کرکے نہیں رکھی ہے ،غیر جمہوری اور غیر آئینی اقدام کو قبول نہیں کرینگے ،سندھی عوام کی مزاحمت کا مزہ ابھی انہوں نے چکھا نہیں ہے۔ سینٹ میں قائد ایوان
ڈاکٹر شہزاد وسیم نے مصدق ملک کو جواب دیتے ہوئے کہاکہ مصدق ملک نے کہا کہ پتھر نہ مارے گولی مارے ،شاہد انہوں نے ماڈل ٹائون واقعہ کا ذکر کیا ہے ،کسی صوبے کے حقوق کو سلب کرنے کی کوشش نہیں کی جا رہی ،کراچی میں جو حالات پیدا ہوئے اس پر عوام کو بے یارومددگار نہیں چھوڑا جا سکتا ،پیپلز پارٹی کے دور مین دو ماہ لاہور میں گورنر راج لگارہا ،سندھ اور کراچی کے لوگوں کی خوشحالی اور بہتری کیلئے وفاق کردار ادا کرنا چاہتا ہے۔
