یوم آزادی پر ملک بھر میں عام تعطیل وفاقی سرکاری ملازمین 3چھٹیوں کے مزے اٹھائینگے

  بدھ‬‮ 12 اگست‬‮ 2020  |  17:03

لاہور (آن لائن) پاکستان کا 73 واں جشن آزادی بروز جمعہ منایا جائے گا۔ اس دن کی مناسبت سے جمعہ کو عام تعطیل ہوگی جبکہ پاکستان کے یوم آزادی کے حوالے سے لاہور سمیت پورے ملک میں سرکاری اور نجی سطح پر مختلف تقاریب منعقد کی جائیں گی۔ قومی اخبارات پاکستان کے جشن آزادی کے حوالے سے خصوصی ایڈیشن شائع کریں گے جبکہ چینلز اس سلسلے میں خصوصی نشریات پیش کریں گے۔یوم آزادی پر شہر بھر میں مختلف تنظیموں کے زیر اہتمام یوم آزادی ریلیاں منعقد کی جائیں گی۔حکومتی ، سرکاری شخصیات اورپاک افواج کے افسران ،بانی پاکستان قائد اعظم


محمد علی جناح اور شاعر مشرق علامہ اقبال کے مزار مبارک پر حاضری دیں گے اور پھولوں کی چادریں چڑھانے کے بعد فاتحہ خوانی کریں گے ۔ ملک کے مختلف مقامات پر تحریک آزادی پاکستان کے شہداء کے لئے بھی قرآن خوانی کا اہتمام کیا جائے گا ۔ دوسری جانب گھروں اور گلی محلوں کو خوبصورت جھنڈیوں اور پرچموں سے سجایا جارہا ہے ۔ اہم سرکاری و نجی عمارتوں پر قومی پرچم لہرائے جائیں گے اور ور اس کے ساتھ چراغاں بھی کیا جائے گا ۔ملک بھر میں چھوٹے بڑے بازاروں میں ہر طرف قومی پرچموں کی بہار ہے اور بیجز ، جھنڈیوں اور قومی پرچم کی طرز پر لباس کے سٹالز پر خریداری عروج پر ہے ۔ پورا شہر سبز ہلالی پرچموں پر سجایا جائے گا۔ شہر کی تمام سرکاری اور نجی عمارتوں کے ساتھ ساتھ گلی محلوں میں واقع گھروں کی چھتوں پر قومی پرچم لہرا دئیے گئے ہیں۔ واہگہ بارڈر پر پاک رینجرز کے زیر اہتمام پرچم اتارنے کی خصوصی تقاریب بھی منعقد ہونگی۔ اسی طرح شہر کے بیشتر سرکاری اور نجی ادارے جشن آزادی کے حوالے سے قومی پرچم لہرائیں گے اور دفاتر میں مٹھائی تقسیم کی جائے گی۔


موضوعات:

زیرو پوائنٹ

ہم قدم ارطغرل کے مزار پر

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎

عاطف نواز راولپنڈی کی مکہ مارکیٹ میں دوپٹوں کا کام کرتا ہے‘ پندرہ سال کی عمر میں کام شروع کیا اور آہستہ آہستہ اس کام کا ماہر ہوتا چلا گیا‘ پندرہ سال قبل والد جگر کے عارضے کا شکار ہو گیا‘ انہیں ہیپاٹائیٹس سی ہوا اور وائرس آہستہ آہستہ ان کا جگر کھانے لگا‘ عاطف نے یہ 15 ....مزید پڑھئے‎