اسلام آباد (این این آئی)پاکستان مسلم لیگ (ن) کے رہنما احسن اقبال نے بھاری بلز ایوان میں لہرا دیئے ۔ منگل کو قومی اسمبلی میں اظہار خیال کرتے ہوئے انہوںنے کہاکہ ایک بل 129 روپے ہے اس شخص پر چار ہزار ایڈجسٹمنٹ پر لگا دیئے گئے ہیں،یہ ایک کیس نہیں ہے
ہزاروں لوگوں کے ساتھ ہے۔احسن اقبال نے کہاکہ سینکڑوں روپے بل دینے والوں پر ہزاروں روپے بل ایڈجسٹمنٹ کے نام پر ڈال دیے گئے ہیں،ہم غریبوں پر ڈاکہ ڈالنے کی اجازت نہیں دے سکتے۔ انہوںنے کہاکہ یہ کہتے تھے ہم نے بجلی چوری روکی ہے، یہ کیا ہے۔ اسد قیصر نے کہاکہ اس پر بعد میں بات کرلیتے ہیں
