لاہور (مانیٹرنگ ڈیسک )  سینئر صحافی ہارون الرشید کا گزشتہ ایک ٹی وی پروگرام میں کہنا تھا کہ عثمان بزدار کہیں نہیں جارہے کیونکہ مجھے معلوم ہوگیا تھا کہ اس کی ساری پلاننگ ن لیگ نے کی ہے۔  ڈس انفارمیشن پلانٹ کی جاتی ہے اور بعض لوگ چکمے میں آجاتے ہیں،

مجھے یہ بات معلوم تھی کہ تاجروں کو بھی متحرک ن لیگ نے کیا ہے ،انہوں نے کشمیر روڈ بند کی اور ہارن بجائے ،ہارن سے حکومت نہیں جاگتی،تاجروں کو ٹیکس دینا ہوگا۔ان کا کہنا تھا کہ چودھر ی تو عثمان بزدار کو ہٹانے کے حق میں نہیں ہیں،عمران خان بھی عثمان بزدار کے حق میں ہیں،عمران خان نے میٹنگ میں احمد حسین ڈہر اور شاہ محمود قریشی کی صلح کرا دی۔پنجاب بچائو کے سوال پر انہوں نے کہا کہ ن لیگ والے کہہ رہے ہیں کہ یہ کیوں لوٹ رہے ہیں، ہم کیوں نہ لوٹیں،پنجاب کا سارا سرمایہ لاہور میں لگا،جنوبی پنجاب میں احساس محرومی پیدا ہوا،اگر ان کی دلجوئی نہ کی جاتی تو کسی کو معلوم ہی نہیں کہ نوبت کہاں تک پہنچنے والی تھی۔کراچی کے بارے سوال پر انہوں نے کہا جب نالوں کی صفائی نہیں ہوگی تو ایسا ہی ہوگا۔خیر پور میں استاد کی درندگی کے سوال پر انہوں نے کہا کہ کسی اپوزیشن پارٹی نے اس پر احتجاج نہیں کیا،ڈیڑھ سو بچوں کے ساتھ درندگی ہوئی۔پی ٹی وی پر سوال پر انہوں نے کہا کہ پی ٹی وی کی حالت پی آئی اے سے بھی بدتر ہے ،وہاں پر بھی یونین نے تباہی پھیلائی، یہاں پربھی یونین نے ۔

موضوعات:(ن) لیگ عثمان بزدار ہارون الرشید