اسلام آباد (این این آئی)پاکستان پیپلزپارٹی کے سیکرٹری جنرل نیئر حسین بخاری نے کہا ہے کہ احسان اللہ احسان کے ذریعے بلاول بھٹو کو دھمکی دلوانے والے سرپرستوں کا پوری قوم کو پتہ ہے۔ایک بیان میں انہوںنے کہاکہ پیپلزپارٹی کی مخالفت کی آگ میں جلنے والے سنتھیا رچی اور عزیر بلوچ کی جے آئی ٹی سہاروں سے مذموم مقاصد میں ناکام ہوئے۔ انہوںنے کہاکہ معاشی ترقی کے جھوٹے دعویدار مکمل بے نقاب ہو رہے ہیں، معیشت کا پہہ جام کرنے والے صنعتوں
کو تالہ بندی پر لے آئے ہیں۔انہوںنے کہاکہ چنتخب حکمرانوں کا ہر دعویٰ اور وعدہ جھوٹا نکلا، گڈ گورنس کے دعویداران کء ناقص کارکردگی روز بروز عیاں ہو رہی ہے۔نیر بخاری نے کہاکہ سنگین معاشی بحران اور قرضوں کا جال غریبوں کو مزید بے حال کر رہا ہے،اشرافی حکمران اشیاء ضروریہ کی قیمتوں میں مسلسل اضافہ کرکے غریب کا خون نچوڑ رہے ہیں،عوام سطح غربت کئی لکیر کی نچلی سطح اور حکمران بدعنوانی کئی بلند سطح پر پہنچ گیا ہے۔
