پائلٹس کے جعلی لائسنس، انٹرنیشنل پائلٹس ایسوسی ایشن کا وزیراعظم سے دھماکہ خیز مطالبہ

  بدھ‬‮ 8 جولائی‬‮ 2020  |  23:48

ا سلام آباد (این این آئی)انٹرنیشنل فیڈریشن آف ائیر لائنز پائلٹس ایسوسی ایشن نے وزیراعظم عمران خان کو خط لکھا ہے جس میں وزیر ہوابازی کی جانب سے بغیر تحقیقات پائلٹس کے لائسنس جعلی قرار دینے پر شدید تحفظات کااظہار کیا گیا ہے۔تنظیم نے مطالبہ کیا کہ مبینہ جعلی لائسنسز کی تحقیقات میں ہوابازی سے متعلقہ عالمی اداروں کوبھی شامل کیاجائے۔کمرشل پائلٹوں کی عالمی تنظیم انٹرنیشنل فیڈریشن آف ائیر لائنز پائلٹس ایسوسی ایشن کے صدر کیپٹن جیک نیستکار نے وزیر اعظم پاکستان عمران خان کینام خط میں لکھا کہان کی تنظیم دنیا بھرمیں ایک لاکھ چالیس ہزار کمرشل پائلٹوں پر


مشتمل ہے۔انہوں نے کہا کہ تمام آزاد مبصرین کے مطابق مسئلہ پاکستانی پائلٹس کا نہیں بلکہ خود پی آئی اے کا ہے، پاکستانی وزیر ہوابازی کے بیان کے اثرات یورپ میں پی آئی اے پر پابندی کی صورت میں سامنے آئے ہیں۔انہوں نے کہا کہ تنظیم کا مطالبہ ہے کہ انٹرنیشنل سول ایوی ایشن آرگنائزیشن، ایاٹا اور انٹرنیشنل فیڈریشن آف ائیر لائنز پائلٹس ایسوسی ایشن کو پاکستان میں پائلٹس لائسنس اسکینڈل اور طیارہ حادثے کے خلاف تحقیقات کا حصہ بنایا جائے۔


موضوعات: