اسلام آباد ( آن لائن ) وزیراعظم کے معاون خصوصی شہباز گل کا کہنا ہے کہ مسلم لیگ (ن) اور پیپلز پارٹی پی آئی اے کی تباہی کے ذمہ دار ہیں اور کرپشن میں ملوث عناصر کو نہیں چھوڑا جائیگا ، میڈیا سے گفتگو میں ان کا کہنا تھا کہ 2010سے 2013 کے دوران پیپلز پارٹی کے دور میں 66جعلی لائسنس جاری کئے گئے جبکہ پیپلز پارٹی کے دور میں ہی 7005افراد کو سیاسی بنیادوں پر بھرتی کیا گیا اسی طرح نواز شریف اور شاہد خاقان عباسی کے دور میں بھی پی آئی اے میںکرپشن بڑھی اور جعلی لائسنس دینے
کا سلسلہ جاری رہا اب اپوزیشن پی آئی اے کے معاملے پر مگر مچھ کے آنسو بہا رہی ہے اصل میں یہ دونوں جماعتیں اس قومی ادارے کی تباہی کے ذمہ دار ہیں موجودہ حکومت نے پی آئی اے کی بحالی کا عمل شروع کیا ہے اور اصلاحات لائی جارہی ہیں جس کے بعد پی آئی اے ایک بار پھر دنیا کی بہترین ائر لائن بنے گی ان کا کہنا تھا کہ 2010سے 2018 تک پی آئی اے معاملات کا فرانزک آڈٹ کرایاگیا اور اس آڈٹ کی روشنی میں اقدامات اٹھائے جائینگے