اسلام آباد(مانیٹرنگ ڈیسک)پشاور زلمی کے چیئرمین جاوید آفریدی نے ترکش ڈرامہ سیرز ارطغرل غازی کے مرکزی کردار ادا کرنے والے ترک اداکار کو فرنچائز برانڈ ایمبیسڈر بنانے کا اشارہ دیا ہے ۔ تفصیلات کے مطابق سماجی رابطے کی ویب سائٹ ٹوئٹر پرجاوید آفریدی نے زلمی فینز سے مشورہ مانگا ہے کہ اگر ارتغرل پشاور زلمی

کا برانڈ ایمبیسیڈر بن جائے تو؟۔ پیغام کے بعد صارفین کی بڑی تعداد کی جانب سے پیغامات کی بھر مار ہو گئی ۔ کچھ فینز نے ارطغرل غازی میں کردار ادا کرنے والی حلیمہ سلطان کو برانڈ ایمبسیڈر بنانے کا مشورہ دیا جبکہ ایک صارف نے جواب میں لکھا کہ وہ کیا نظارہ ہو گا جب ارطغرل پشاورزلمی کے ارباب نیاز کرکٹ اسٹیڈیم میں موجود ہوں گے۔