لاہور(این این آئی )مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ حکومتی رکن خوجہ دائود سلیمانی نے عثمان بزدار پر عدم اعتماد کردیا ہے،اختر مینگل پہلے ہی عمران خان پر عدم اعتماد کرچکے ہیں،اتحادی گروپ کے بعد اب پی ٹی آئی کا ناراض گروپ بھی سامنے آگیا ہے،مسلم لیگ (ن) میں فاورڈ بلاک بننے کی پیش گوئیاں کرنے والے کی اپنی جماعت میں کئی گروپ بن گئے ہیں،حکومتی رکن خواجہ دائود سلیمانی نے عثمان بزدار کو ناکام اور کمزور وزیراعلیٰ قراردے دیا ہے۔مسلم لیگ (ن) پنجاب کی ترجمان عظمیٰ بخاری کا
فیاض چوہان کے بیان پر ردعمل میں کہامسلم لیگ (ن) تو پہلے دن سے کہہ رہی ہے عثمان بزدار ایک کمزور اور ڈمی وزیراعلیٰ ہیں۔حکومتی رکن اعجاز احمد جازی،عظمیٰ کاردار اور اب خواجہ دائو سلیمانی نے تحریک انصاف کی اصلیت قوم کو بتادی ہے۔وفاق اور پنجاب کا ہر حکومتی رکن اپنے حلقے میں دو سالوں سے ترقیاتی کام نہ ہونے کے شکوے شکایات کررہے ہیں۔حکومتی اتحادیوں کی صورتحال بھی حکومتی ارکان جیسی ہے۔کرایے کے ترجمان دن رات عوام کو جھوٹی تسلیاں اور اپنے آقائوں کی نالائقیوں پر پردہ ڈالے کی نوکری سر انجام دے رہے ہیں۔
