اسلام آباد (مانیٹرنگ ڈیسک) معروف صحافی ارشاد بھٹی نے جسٹس فائز عیسیٰ کیس پر ٹوئٹ کرتے ہوئے کہا کہ فرض کریں عمران خان، وفاقی کابینہ بلکہ پوری قوم کی جائیدادیں برطانیہ میں ہوں اور سب جائیدادیں ناجائز پیسے سے بنائی گئی ہوں تو کیا اس سے جسٹس فائز عیسیٰ کے اہل خانہ کی جائیدادوں کا مسئلہ حل ہو جائے گا، نہیں ہوگا، جج صاحب نے اپنا حساب دینا ہے، باقی سب نے اپنا، سب قابل احتساب ہیں،

کوئی ملک، آئین سے بڑا نہیں۔ واضح رہے کہ سپریم کورٹ آف پاکستان میں جسٹس قاضی فائز عیسیٰ کی اہلیہ نے عدالتی اجازت کے بعد ویڈیو لنک کے ذریعے اپنا بیان ریکارڈ کرادیا ہے جس پر عدالت عظمیٰ نے اطمینان کا اظہار کرتے ہوئے کہاہے کہ ہمارے پاس مقدمہ میرٹ پر سننے کا حق نہیں ہے اس معاملے پر فیصلہ متعلقہ اتھارٹی نے کرنا ہے جبکہ سپریم کورٹ آف پاکستان کے ججز نے ریمارکس دیئے ہیں کہ ججز دوسرے پبلک آفس ہولڈرز سے زیادہ جوابدہ ہیں،عدالت اپنے اختیارات پر سمجھوتہ نہیں کرے گی، جج کیخلاف مس کنڈکٹ کی کارروائی کیلئے ٹھوس شواہد ہونے چاہئیں،سوال یہ ہے کہ کیسے پتہ چلا کہ لندن میں جائیدادیں ہیں، آؤ جائیدادیں ڈھونڈیں،آؤ جائیدادیں ڈھونڈیں کا اختیار کدھر سے حاصل کیا گیا؟ حکومت کو جسٹس عیسیٰ کی اہلیہ کا درست نام کیسے پتہ چلا؟ملک میں احتساب کے نام پر تباہی ہورہی ہے، اس پر بھی لکھیں گے، میں اپنی تفصیلات آرام سے نہیں لے سکتا تو ایک جج کی تفصیلات وحید ڈوگر کے پاس کیسے آئی،اثاثہ جات وصولی یونٹ وفاقی حکومت کیسے ہوگئی، اے آر یو نے ایف بی آر سے ٹیکس سے متعلق سوال کیسے کیا، یونٹ کسی شہری کو قانون کے بغیر کیسے چھو سکتا ہے؟قانون سے باہر کام میں حکومت کی بدنیتی نظر آئے گی۔ جمعرات کو عدالت عظمیٰ میں جسٹس عمر عطا بندیال کی سربراہی میں 10 رکنی فل کورٹ نے جسٹس قاضی فائز عیسیٰ کی جانب سے اپنے خلاف صدارتی ریفرنس کو چیلنج کرنے کیلئے دائر کی گئی درخواست پر سماعت کی، جہاں طویل سماعت کی ابتدا میں ہی عدالت نے جسٹس عیسیٰ کی گزشتہ روز کی پیشکش کو قبول کرلیا۔

فرض کریں عمران خان،وفاقی کابینہ بلکہ پوری قوم کی جائیدادیں برطانیہ میں ہوں اورسب جائیدادیں ناجائزپیسےسےبنائی گئی ہوں توکیااس سےجسٹس فائزعیسٰی کےاہلِخانہ کی جائیدادوں کامسلہ حل ہوجائےگا،نہیں ہوگا،جج صاحب نےاپنا حساب دیناہے،باقی سب نےاپنا،سب قابلِ احتساب ہیں،کوئی ملک،آئین سےبڑانہیں

— Irshad Bhatti (@IrshadBhatti336) June 17, 2020