لاہور ( آن لائن ) کوروناوائرس کے باعث سب سے زیادہ جاں بحق ہونے والے افراد51 سے 60 سال کی عمرکے ہیں تاہم ایک سے 10 سال تک کی عمر کا ایک مریض بھی جان کی بازی ہار گیا۔پی ڈی ایم اے کی طرف سے اموات کے تناسب کی جاری رپورٹ کے مطابق مہلک وائرس کا شکار زیادہ تر مرد ہی ہو ئے،خوش قسمتی سے کوروناوائرس کے حملوں میں سب سے محفوظ بچے رہے۔تفصیلات کے مطابق لاہور میں کورونا سے مزید 14 اموات،مریضوں کی تعداد 23756 ہوگئی۔لاہور سمیت صوبہ

بھرمیں 11جون تک 776 اموات ہوئیں جن میں 72 فیصد مرد جبکہ 28 فیصد خواتین مہلک وائرس سے جان کی بازی ہارگئیں، مہلک وائرس سے 557مرد جبکہ 219 خواتین جاں بحق ہوئیں۔ 51 سے 60 سال تک کی عمر کے سب سے زیادہ 237 افراد جاں بحق ہوئے جن میں 66 خواتین جبکہ 171مرد کورونا وائرس کا شکا ر بنے،61 سی70 سال کی عمر کے افراد میں 41 خواتین جبکہ 161مرد جاں بحق ہوئے جبکہ 11 سی20 سال تک کی عمر کے پانچ ا فراد جان کی بازی ہار گئے۔