کوئٹہ ( آن لائن) ڈی جی ہیلتھ بلوچستان سلیم ابڑو نے انکشاف کیا ہے کہ صوبے میں جولائی تک کورونا کیسز کی تعداد ایک لاکھ سے تجاوز کر جائے گی۔ اگر ابھی بھی احتیاط نہ کی گئی تو جولائی تک کورونا کیسز کی تعداد 2 لاکھ سے تجاوز کر سکتی ہے جو ایک خطرناک ہے جسے شاید کنٹرول کرنا مشکل ہو جائے۔
ان خیالات کا اظہار انہوں نے یہاں میڈیا سے گفتگو کرتے ہوئے کیا ،انہوں نے کہا کہ ہم نے کوروناکی روک تھام کے لیے حکومت کو لاک ڈاون کی تجویز دی تھی مگر بد قسمتی سے لاک ڈاؤن کے دوران ایس او پیز کی خلاف ورزی ہوتی رہی، 2 ماہ پہلے جو پیش گوئی کی تھی آج وہی ہو رہا ہے۔ ہماری عوام ایس او پیز پر عمل نہیں کر رہی، ٹرانسپورٹ بھی کھول دی گئی ہے جس کے بعد لوگ ایس او پیز کو سرعام نظر انداز کر رہے ہیں، اگر ایسے ہی حالات رہے تو معاملات سنجیدگی کی طرف جا سکتے ہیں، اس لئے ہماری عوام سے گزارش ہے کہ وہ تمام ایس او پیز پر عمل کریں اور احتیاطی تدابیر کو اپنی زندگی کا حصہ بنا لیں۔ ڈاکٹر اسلم ابڑو کا کہنا تھا کہ حکومت کیخلاف پراپیگنڈا کیاجاتا ہیکہ کچھ نہیں کررہی، زمینی حقائق اور ہیں، این ڈی ایم اے کی جانب سے صوبے کے لیے 20 وینٹی لیٹرز اور پی پی ای کٹس بھیجی گئی ہیں، بی ایم سی اسپتال، فاطمہ جناح، شیخ زیداور سول اسپتال کے آئی سی یونٹس مکمل فعال ہیں، وینٹی لیٹرز موجود ہیں، ڈاکٹرز و طبی عملہ 24 گھنٹے ڈیوٹیاں دے رہیں ہیں۔
