اسلام آباد (مانیٹرنگ ڈیسک)پاکستانی عوام کا کرونا وائرس کے حوالے سے پاکستانی ڈاکٹروں کے علاج سے یقین اٹھ چکا ہے وہ طرح طرح کے گھریلو ٹوٹکوں کے ذریعے علاج کر اپنا رہیں ہیں ۔ اسی حوالے سے لاہور کے میو ہسپتال میں زیر علاج کرونا مریضوں نے چند ویڈیو پیغامات عوام کیلئے سوشل میڈیا پر ڈال ہین تاکہ وہ گھریلوٹوٹکوں سے اس بیماری کو شدت اختیار نہ کرنے دیں ۔

آئی سی یو وارڈ میں داخل علی نامی شخص نے بتایا کہ میری پوری پاکستانی قوم سے التجا ہے کہ وہ ڈاکٹرکے علاج پر بھروسہ رکھیںوہ یہاں ہمارے لیے دن رات ایک کر رہے ہیں ، اپنی جانوں کو خطروں میں ڈال کر ہمارے لیے کرونا وائرس سے لڑ رہے ہیں ۔ آج میری صحت ان ڈاکٹروں کی مہربانی کی وجہ سے ٹھیک ہے ۔ علی کا مزید کہناتھا کہ کرونا وائرس کے علاج کیلئے صرف ڈاکٹرز کی خدمات لیں گھر پر کوئی گھریلو ٹوٹکا نہ آزمائیں ، سنا مکی میں شفا ہو سکتی ہے لیکن وہ کرونا وباء پر بری طرح نقصان سے دو چار کرتی ہے ۔ مہلک وباء کے دوران اگر سنا مکی کا استعمال کیا جائے تو اس سے مریض کے اندر کا سارا نظام ہل کر رہ جاتا ہے اور وہ اپنے پائوں پر کھڑا ہونے کے قابل نہیں رہتا اور ایسےمیں آپ کی موت بھی ہو سکتی ہے ۔دوسری جانبملک میں کورونا سے مزید 86 افراد انتقال کرگئے جس کے بعد اموات کی مجموعی تعداد 2496 ہوگئی جب کہ نئے کیسز سامنے آنے کے بعد مریضوں کی تعداد 129196 تک پہنچ گئی ہے۔اب تک پنجاب میں کورونا سے 890 اور سندھ میں 793 افراد انتقال کرچکے ہیں جب کہ خیبر پختونخوا میں 642 افراد جاں بحق ہو چکے ہیں۔اس کے علاوہ بلوچستان میں 65، گلگت بلتستان میں 16 اور آزاد کشمیر میں مہلک وائرس سے 10 افراد جاں بحق ہو چکے ہیں۔وفاقی دارالحکومت سے آج کورونا کے مزید 463 کیسز اور 3 اموات سامنے آئی ہیں جس کی تصدیق سرکاری پورٹل پر کی گئی ہے۔پورٹل کے مطابق اسلام آباد میں کیسز کی مجموعی تعداد 6699 ہوگئی ہے جب کہ 65 افراد انتقال بھی کر چکے ہیں۔اسلام آباد میں اب تک کورونا وائرس سے 1164 افراد صحت یاب ہو چکے ہیں۔