لاہور( این این آئی) پیپلز پارٹی پنجاب کے جنرل سیکرٹری چوہدری منظور نے کہا ہے کہ حکومت نے کورونا پر اپنی بدکاریاں چھپانے کیلئے قرنطینہ سنٹرز کے اطراف میں انٹرنیٹ سرور بند کر دی ہے، ایکسپو سنٹر،کالا شاہ کاکو، ملتان اور بلوچستان میں قرنطینہ مراکز کے اطراف انٹرنیٹ سروس بند کر گئی ہیں۔ اپنے بیان میں چوہدری منظور نے کہا کہ عمران احمد نیازی ڈاکٹرائن کے تحت نااہلی چھپانے

کیلئے سنسرشپ لگائی جا رہی ہے، پہلے میڈیا پر سنسرشپ لگا اب انٹرنیٹ تک بند کر دیئے گئے ہیں ،عمران احمد نیازی اور عثمان بزدار اپنا چہرا دھونے کے بجائے آئینہ توڑ رہے ہیں ۔ انہوں نے کہا کہ پنجاب میں کورونا بدترین شکل اختیار کر چکا ہے ،لاہور کو وبا ء کا حب بنا دیا گیا ہے ، حکومت حل نکالنے کی بجائے مٹی پائو پالیسی پر عمل پیرا ہے۔