اسلام آباد(آن لائن) وفاقی وزرا چاند کے معاملے پر وزیر سائنس و ٹیکنالوجی فواد چوہدری کی حمایت میں آگئے۔ وفاقی وزیر برائے بحری امور علی زیدی نے ٹوئٹ کرتے ہوئے کہا کہ شاباش فوادچوہدری! آج ملک کے بیشترعلاقوں میں عید ہوگی، ایسے تمام مسائل دورکرنے کیلئے ٹیکنالوجی استعمال کرنی چاہئے۔وفاقی وزیر برائے انسانی حقوق شیریں مزاری نے ٹوئٹر پر فوادچوہدری کی تعریف کرتے ہوئے کہا کہ چاندپر سائنسی انداز اپنانا قابل تعریف ہے،شاباش فواد!وزیر اعظم کے معاون خصوصی شہباز گل نے ردعمل دیتے ہوئے کہا کہ چاندسے متعلق وزارت سائنس وٹیکنالوجی کی حمایت کرتاہوں، رویت ہلال کمیٹی سے بھی درخواست
ہے ٹیکنالوجی کا استعمال کریں، رویت ہلال کمیٹی کے جید علما سیدرخواست ہے مل کرچلیں۔ شہباز گل نے کہا کہ فوادچوہدری کی پریس کانفرنس سائنس اور تحقیق کی حوصلہ افزائی ہے، فوادچوہدری کی پریس کانفرنس صرف چانداورعیدتک محدودنہیں، معاشرے میں رجعت پسندی اوردقیانوسی نظریات پرضرب لگے گی امید ہے اس ارتعاش سیپاکستان میں مثبت تبدیلیاں ہوں گی۔واضح رہے کہ وفاقی وزیر سائنس اینڈ ٹیکنالوجی فواد چوہدری کا کہنا ہے کہ ہمارے کلینڈر کے مطابق کل پاکستان میں عید ہوگی دنیا کے تمام اسلامی ممالک میں آج عید منائیں گے۔
