مری ( آن لائن ) ملکہ کوہسارمری اور گلیات میں عیدالفطر سے قبل ہی مکمل لاک ڈائون کا اعلان ،ضلعی انتظامیہ اور پولیس کی طرف سے کردیاگیا آج 28 رمضان المبارک سے مری میں سخت لاک ڈائون ہوگا کسی بھی سیاح کو مری داخل ہونے کی اجازت نہیں ہوگی صرف مقامی لوگ ہی مری میں داخل ہوسکے گے

مری کے عوامی اور کاروباری حلقوں کا کہنا ہے کہ مری کے لوگوں کے ساتھ یہ امتیازی سلوک کیوں کیاجارہا ہے گذشتہ دوماہ سے زائد عرصہ سے مری کا کاروباری زندگی لاک ڈائون کے باعث معطل ہوکر رہ گیا ہے جبکہ دیہاڑی دار طبقہ ،سفید پوش طبقہ اور اب بڑے بڑے لوگ بھی اس وجہ سے شدید معاشی بحران کا شکار ہورہے ہیں مری کے کاروباری حلقوں نے کہا ہے کہ ایس او پیز پر مکمل عملدرآمد کرکے مری کو سیاحوں کی آمدورفت کیلئے کھول دینا چاہیے اور مری کے ہوٹل مالکان اور دیگر کاروباری ذمہ داران نے اس بات کی یقین دہانی بھی کروائی ہے کہ وہ تما م ایس اوپیز (طریقہ کار)پر مکمل عملدرآمد کرنے کیلئے تیار ہیں ایسے میں ایسی پابندی لگانا سمجھ سے باہر ہے مری کے کاروباری اور عوامی حلقوں نے مطالبہ کیا ہے کہ حکومت مری کی سنگین معاشی صورتحال اور بیروزگاری کودیکھتے ہوئے فوری طور پر مری کو سیاحوں کیلئے کھولا جائے ورنہ بیروزگاری اوربھوک یہاں کا ماحول خراب کرسکتی ہے ۔

موضوعات:ملکہ کوہسارمری اور گلیات میں عیدالفطر سے قبل ہی مکمل لاک ڈائون کا اعلان