کرونا وائرس سے ریکوری کے حوالے سے اللہ پاک نے پاکستان پر بڑی رحمت کر دی، قوم کو خوشخبری سنادی گئی

  اتوار‬‮ 17 مئی‬‮‬‮ 2020  |  14:50

اسلام آباد(مانیٹرنگ ڈیسک)سینئر تجزیہ کار ہارون الرشید نے ایک پروگرام میں گفتگو کرتے ہوئے کہا ہے کہ ملک میں 90فیصد پاکستانیوں میں کرونا وباء کی علامت ظاہر ہوئے بغیر ہی وہ صحت مند ہو جاتے ہیں ۔ ان کا کہنا تھا کہ اگر یہ بات کسی اور نے کہی ہوتی تو پھر اس پر شک و شہبات بنتے تھے لیکن اس بات کا اعتراف خود صوبائی وزیر صحت ڈاکٹر یاسمین راشد نے کیا ہے ۔ پاکستان میں 90فیصد پاکستانیوں کو خود بخود صحت مند ہو جانا اچھی خبر ہے اور یہ اللہ پاک کی پاکستان پر رحمت ہے، لیکن اس کا ہرگز یہ مطلب نہیں کہ آپ


باہر نکلنا شروع ہو جائیں ، قانون بدل دیں، احتیاطی تدابیروں کے جنازے نکالنا شروع کر دیں یا پھر ہاتھ دھونا تر ک کر دیں ۔ سینئر کالم نگار کا مزید کہنا تھا کہ کرونا وائرس کے علاج کیلئے امریکہ میں استعمال کی جانے والی دوا ریمیڈیسی ویر سے اموات اور کیسز میں نمایاں کمی سامنے آئی ہے جبکہ پاکستان ان خوش آئند ممالک میں سے جو یہ دوا تیار کرے گا ، جو ایک اچھی ابتدا ہے ، پلازمہ کے حوالے سے انہوں نے کہا ہے کہ اس کے حوالے سے قانون بنایا جانا چاہیے کہ جو شخص کرونا وائرس سے صحت یاب ہو گا وہ اپنا پلازمہ عطیہ لازمی کرے گا ۔


موضوعات: