اسلام آباد (این این آئی)کورونا وائرس از خود نوٹس 18 مئی کو سماعت کیلئے مقرر کر دی گئی ،جسٹس عمر عطاء بندیال، جسٹس سجاد علی شاہ کی عدم دستیابی پر نیا بنچ تشکیل دے دیا گیا ، چیف جسٹس گلزار احمد بینچ کی سربراہی کرینگے ۔ تفصیلات کے مطابق کورونا وائرس از خود نوٹس 18 مئی کو سماعت کیلئے مقرر کر دی گئی اور اس حوالے سے سپریم کورٹ نے سماعت کیلئے نیا بنچ تشکیل دے دیا،چیف جسٹس گلزار احمد بنچ کی سربراہی کریں گے ،
جسٹس عمر عطاء بندیال، جسٹس سجاد علی شاہ کی عدم دستیابی پر نیا بنچ تشکیل دیا گیا،جسٹس مشیر عالم، جسٹس سردار طارق مسعود بنچ کا حصہ بن گئے جبکہ جسٹس مظہر عالم خان، جسٹس قاضی امین بدستور بنچ کا حصہ ہیں ،جسٹس عمر عطائبندیال لاہور میں کیس کی سماعت کررہے ہیں ،جسٹس سجاد علی شاہ کراچی رجسٹری میں کیس کی سماعت میں مصروف ہیں ،اٹارنی جنرل، ایڈووکیٹ جنرلز، سیکرٹری صحت، چیف سیکرٹریز کو نوٹس جاری کر دیئے گئے ۔
