سکھر(این این آئی) بینظیر انکم سپورٹ پروگرام سے خاتون افسران کا مالی فائدہ لینے کا معاملہ ، سات خواتین افسران پر مقدمہ درج ، غریب و مستحق ظاہر کرکے رقوم وصول کرنے والی خواتین کی جانب سے رقم واپس کرنے پر کیسز داخل کرایے گئے. ایف آئی اے ذرائع،تفصیلات کے مطابق بے نظیر انکم سپورٹ پروگرام سے خاتون افسران کی جانب مالی فائدہ لینے والے معاملے پر
ایکشن لیتے ہوئے ایف آئی اے نے فراڈ کرکے قومی خزانے کو نقصان پہنچانے پر سات خواتین افسران پر ایف آئی آر درج کرا دی ہے ایف آئی اے زرائع کے مطابق غریب و مستحق ظاہر کرکے رقوم وصول کرنے والی خواتین کی جانب سے رقم واپس کرنے پر کیسز داخل کرایے گئے، ایف آئی آر میں نامزد خواتین محکمہ تعلیم اور صحت سمیت دیگر شعبوں میں گریڈ سترہ سے گریڈ بیس پر براجمان ہیں۔
