اسلام آباد( آن لائن ) پی ٹی ایم رہنما اور قومی اسمبلی کے رکن علی وزیر کورونا وائرس کا شکار ہو گئے۔تفصیلات کے مطابق پشتون تحفظ موونٹ کے رہنما علی وزیر بھی مہلک کورونا وائرس میں مبتلا ہو گئے ہیں۔اس بات کی تصدیق محسن داوڑ نے سماجی رابطے کی ویب سائٹ ٹویٹر پر ٹویٹ کرتے ہوئے کی۔ان کا کہنا تھا کہ پی ٹی ایم کے رہنما اور ہمارے دوست علی وزیر کا
کورونا ٹیسٹ مثبت آیا ہے۔وہ ضروری احتیاطی تدابیر اختیار کر رہے ہیں۔ان کی طبعیت بھی ٹھیک ہے۔محسن داوڑ نے مزید کہا کہ آپ سب سے التجا ہے کہ علی وزیر کی جلد صحتیابی کے لیے دعا کریں۔۔جب کہ دوسری جانب بتایا گیا ہے کہ ملک بھر میں چوبیس گھنٹوں کے دور ان مزید 39افراد کرونا وائرس سے زندگی کی بازی ہارگئے جس کے بعد جاں بحق افراد کی تعداد 706ہوگئی ،1140نئے کیسز سامنے کے بعد کورونا کے تصدیق شدہ کیسز کی تعداد 32081تک جا پہنچی ،8555مریض صحتیاب ہوگئے.
