کراچی(آن لائن)سندھ حکومت کا صبح 6 بجے سے شام 5 بجے تک دکانیں کھولنے کا اعلان،وزیراعلیٰ سندھ سید مراد علی شاہ نے کراچی میں تاجروں سے خطاب کرتے ہوئے کہا کہ کورونا وائرس کی وجہ سے جس طرح کاروبار کو بند کرنے کا فیصلہ ہمارے لیے مشکل تھا اسی طرح کاروبار کو کھولنے کا فیصلہ بھی مشکل ہے کیونکہ کیسز اب پیک پر جا رہے ہیں۔ ہم وفاقی حکومت سے وقت بوقت بات کرتے رہے،
پبلک ٹرانسپوٹ، ایئر پورٹ کھولنے پر میں نے اعتراض کیا تھا، وفاقی حکومت رات کو کاروبار کھولنا چاہتی تھی جس پر ہم نے اعتراض کیا، وفاقی حکومت نے ہماری بات تسلیم کی، یہ ہمارے اوپر لازم ہے کہ ہم کاروبار بند رکھنا چاہتے ہیں، یہ چاروں صوبوں اور وفاق کا متفقہ فیصلہ تھا، ہم نے یہ مشکل فیصلہ کرتے ہوئے ہمارا بھی دل دکھا، اب واپس کاروبار کھولنے والا فیصلہ بھی انتہائی مشکل ہے، ہمارے لاک ڈائون سے فائدیہہوا ہے، میں نے وفاقی حکومت سے بھی بات کی ہے، کاروباری لوگ شدید مشکل میں ہیں، اب ہمارے خلاف ایک سیاسی کاروبار شروع ہوگیا ہے،انہوں نے کہا کہ عوام کی صحت ہماری اولین ترجیح ہے اور کاروباری حضرات کے حوالے سے وفاقی حکومت سے بات کروں گا۔ وزیراعلیٰ سندھ نے بتایا کہ گزشتہ 24 گھنٹوں کے دوران 4215 ٹیسٹ کیے گئے جس میں سے 709 نئے کیسز سامنے ا?ئے جو ٹیسٹ کا 17 فیصد ہے، سندھ بھر کے 709 کیسز میں سے کراچی میں 548 نئے کیسز رپورٹ ہوئے۔ انہوں نے بتایا کہ اب تک 91323 ٹیسٹ کیے گئے ہیں جس سے 11480 کیسز سامنے ا?ئے ہیں، 99 مریضوں کی حالت تشویشناک ہے جن میں 26 وینٹی لیٹرز پر ہیں جب کہ صحت یاب ہونے والے مجموعی مریضوں کی تعداد 2081 ہے۔
