اسلام آباد(آن لائن )ارکان پارلیمنٹ اور عملے میں کرونا کی تشخیص کا معاملہ سامنے آنے کے بعد ڈپٹی چیئرمین سینیٹ نے قومی اسمبلی اور سینیٹ اجلاس موخر کرنے کی تجویز دے دی ہے ۔جاری بیا ن میں سلیم مانڈوی والا کاکہنا ہے کہ کورونا وائرس پارلیمنٹ کی راہداریوں میں بھی پہنچ گیا ہے۔ارکان پارلیمنٹ اور عملے میں کورونا کی تشخیص باعث تشویش ہے۔مزید ارکان اور عملے میں کرونا کی
تشخیص ہونے کا خدشہ ہے۔کورونا کیسز میں اضافے سے متعلق میرے خدشات درست ثابت ہو رہے ہیں۔بروقت خبردار کردیا تھا کہ ٹیسٹ کے بغیر کسی کو پارلیمنٹ میں داخل نہ ہونے دیا جائے، سلیم مانڈوی والا نے کہا کہ موجودہ صورتحال میں اجلاس بلانے کے خطرناک نتائج نکل سکتے ہیں۔ضروری ہو تو اجلاس میں تاخیر کی جائے۔ٹیسٹ کو یقینی بنانے کے بعد ئی پارلیمنٹ میں داخلے کی اجازت دی جائے۔
