لاہور(این این آئی )مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ ٹک ٹاک حکومت کے وزیر اور مشیر بھی ٹک ٹاک کی سیاست کررہے ہیں،فیاض چوہان نے خود تسلیم کیا شہبازشریف حکومت کے خریدے 250وینٹی لیٹرز آج ہمارے کام آرہے ہیں۔مسلم لیگ (ن) پنجاب کی ترجمان عظمیٰ بخاری کا فیاض چوہان کی پریس کانفرنس پر ردعمل میں کہاکہ شہبازشریف مظفر گڑھ سے

اٹک تک اور وہاڑی سے لاہور مناواں تک ہسپتال بنائے۔شہبازشریف کے بنائے ہسپتالوں میں آج کرایے کے ترجمان اور پرچی والا وزیر اعلیٰ دن رات سیاست چمکانے جارہے ہیں۔بنی گالہ کی پیداواراور چوروں کا ٹولہ آج کس منہ سے شہبازشریف کے بنائے ہسپتالوں میں جارہے ہیں۔پراچی والے وزیراعلیٰ نے دو سال قبل پنجاب میں 9ہسپتال بنانے کا اعلان کیا تھا۔انہوںنے کہاکہ لیکن دو بجٹ گزرگئے ایک ہسپتال کی ایک بھی اینٹ نہیں لگائی گئی۔ پرچی والے وزیراعلیٰ نے دوسالوں میں پنجاب کے صحت اور تعلیم کے نظام کا بیڑہ غرق کردیا ہے۔ٹک ٹاک حکومت کے وزیر اور مشیر بھی ٹک ٹاک کی سیاست کررہے ہیں ۔مچھلی منڈی اور سبزی منڈی میں بولیاں لگانے والے جب وزیر بن جائیں تو ملک کا یہی حال ہوگا۔

موضوعات:عظمیٰ بخاری