ا سلا م آباد (این این آئی)سپریم کورٹ میں وزیراعظم کے مشیروں اور معاونین خصوصی کیخلاف درخواست پر اعتراضات معاملہ ، درخواست گزار ارشد خان نے رجسٹرار آفس کے اعتراضات کیخلاف اپیل دائر کر دی ۔ منگل کو دائر درخواست میں کہاگیاکہ رجسٹرار آفس کا 21 اپریل کا حکم کالعدم قرار دیتے ہوئے اپیل سماعت کیلئے منظور کی جائے۔ درخواست میں موقف اختیار کیاگیاکہ رجسٹرار آفس کے پاس آئینی درخواست پر اعتراض لگانے کا اختیار نہیں۔موقف اختیار کیاگیاکہ وزیر اعظم کے

مشیروں اور معاونین خصوصی سے عوامی مفاد وابستہ ہیں،اس کیس سے نہ صرف درخواست گزار بلکہ پوری عوام کا مفاد جڑا ہے۔موقف اختیار کیاگیاکہ کرونا وائرس کیس،آرمی چیف تقرری کیس اور بے نظیر بھٹو کیس سمیت متعدد مقدمات میں سپریم کورٹ نے درخواستوں کو سنا۔ یادرہے کہ درخواست پر متعلقہ فورم سے رجوع نہ کرنے اور عوامی مفاد نہ ہونے کا اعتراض لگایا گیا تھا،درخواست گزار نے وزیر اعظم کے مشیروں اور غیر منتخب معاونین خصوصی کی تقرریاں غیر آئینی قرار دینے کی استدعا کر رکھی ہے۔

موضوعات:وزیراعظم کے مشیروں اور معاونین خصوصی کیخلاف درخواست