ٹنڈواللہ یار (آن لائن)ٹنڈواللہ یار کے نجی ہسپتال میں کورونا وائرس میں مبتلا خاتون نے جڑواں بچوں کو جنم دیدیا۔ڈسٹرکٹ ہیلتھ آفیسر ڈاکٹر لچھمن داس کے مطابق نجی ہسپتال میں حاملہ خاتون کی چند دن قبل کورونا وائرس کی رپورٹ مثبت آئی تھی اور اب خاتون نے جڑواں بچوں کو جنم دیا ہے جن میں سے ایک فوت ہوگیا۔ اطلاع پر محکمہ صحت کی ٹیمیں نجی ہسپتال پہنچ گئیں جس کے بعد خاتون کے بچے اور عملے سمیت 13 سے زائدافراد کے ٹیسٹ لیے گئے تاہم خاتون

کی ڈیلیوری کے بعد نجی ہسپتال کو 14 دن کے لیے قرنطینہ کردیا گیا اور پولیس کی نفر ی تعینات کردی گئی ہے۔ہسپتال انتظامیہ کا مؤقف ہے کہ خاتون نے کورونا کے حوالے سے کچھ نہیں بتایا تھا اور ہسپتال کو بلاجواز قرنطینہ کیا گیا ہے۔ہسپتال انتظامیہ کا کہنا تھا کہ خاتون یہاں آنے سے قبل حیدرآباد کے نجی ہسپتال میں داخل تھی، خاتون کے اہل خانہ پہلے سول ہسپتال گئے تھے جہاں انہیں سنجیدگی سے نہیں لیا گیا لہٰذا معاملے کی مکمل تحقیقات کی جائے۔