اسلام آباد (این این آئی)وفاقی وزیر سائنس وٹیکنالوجی فواد چودھری نے وزارت اطلاعات میں تبدیلیوں کو بڑا اچھا فیصلہ قرار دیتے ہوئے کہا ہے کہ کمیونیکشن میں کافی بڑی کمی آ رہی تھی۔ ایک انٹرویو میں انہوںنے کہاکہ موجودہ آئی ایس پی آر جس کو ہم آج دیکھتے ہیں، اس کے بانی جنرل ریٹائرڈ عاصم سلیم باجوہ ہی ہیں۔ایک اہم سوال کا جواب دیتے ہوئے انہوںنے کہاکہ کسی نے نہیں کہا کہ اٹھارویں ترامیم کو تبدیل کرنے جا رہے ہیں،پیپلز پارٹی

کے کچھ لوگ اس بات کو بڑھا چڑھا کر پیش کرنے کی کوشش کرتے ہیں تاہم اٹھارویں ترامیم میں کچھ کمی ہے۔وفاقی وزیر سائنس وٹیکنالوجی نے بتایا کہ 26 فروری کو کورونا کا پہلا کیس سامنے آیا تھا، اس وقت ہم پاکستان میں گلوز، ماسک اور ٹیسٹنگ کٹس سمیت کچھ بھی نہیں بنا رہے تھے تاہم آج دو ماہ بعد وائرس سے نمٹنے کیلئے 76 فیصد سامان پاکستان خود بنا رہا ہے، ہم سینی ٹائزرز کوہ م ایکسپورٹ کرنے کی پوزیشن میں ہیں۔

موضوعات:عاصم باجوہ فواد چودھری