کراچی(این این آئی) قومی ائیر لائن (پی آئی اے) کے مزید تین ملازمین کورونا وائرس سے متاثر ہو گئے۔ترجمان پی آئی اے کے مطابق تینوں فضائی میزبان لندن کی پرواز سے اسلام آباد پہنچے تھے جن کے کورونا ٹیسٹ کے نتائج مثبت آئے جس کے بعد متاثرہ افراد کو

اسلام آباد کے ہوٹل میں قرنطینہ میں رکھا گیا ہے۔پی آئی اے کے ترجمان کے مطابق کورونا سے متاثرہ فضائی میزبانوں میں سے دو کا تعلق لاہور ، ایک کا پشاور سے ہے۔ترجمان کے مطابق پی آئی اے کے اب تک 10 ملازمین کورونا وائرس سے متاثر ہو چکے ہیں۔‎