لاہور( این این آئی )وزیراعلی پنجاب سردار عثمان بزدار نے کورونا وائرس کے خلاف فرنٹ لائن ورکرز اور پروفیشلز کو دوران ڈیوٹی جانی نقصان پر شہید پیکیج دینے کا اعلان کیا ہے۔سماجی رابطے کی ویب سائٹ ٹویٹر پر ٹویٹ کرتے ہوئے وزیراعلی پنجاب نے لکھا کہ کورونا وائرس کا مقابلہ کرنے میں جس طرح ہمارے فرنٹ لائن ورکرز/پروفیشنلز دن رات لگن سیکام کر رہے ہیں وہ قابل تحسین ہے۔ٹویٹر پر انہوں نے مزید لکھا کہ کورونا وائرس کے باعث فرنٹ لائن ورکرز، پروفیشلز محنت کر رہے ہیں وہ وہ قابل تحسین ہے

ہم ان کے اخلاص کی قیمت ادا نہیں کر سکتے لیکن ان تمام ہیروز کو تنخواہ کے برابر الائونس اور خدانخواستہ کسی جانی نقصان کی صورت میں شہید پیکج دیا جائے گا۔انہوںنے کہا کہ انٹرنیشنل اور مقامی مارکیٹ میں قلت کے باوجود ہم پنجاب میں ناصرف ہیلتھ پروفیشنلز کو ڈبلیو ایچ اوکی گائیڈ لائنز کے مطابق مسلسل حفاظتی ساز و سامان فراہم کر رہے ہیں بلکہ فرنٹ لائن پر کام کرنے والے باقی اداروں سے وابستہ ورکرز کو بھی حفاظتی سامان فراہم کر رہے ہیں، شکایات کی صورت میں فوری ایکشن لیا جاتا ہے۔

موضوعات:سردار عثمان بزدار