کراچی(این این آئی)سندھ انسٹیٹیوٹ آف یورولوجی اینڈ ٹرانسپلانٹیشن(ایس آئی یو ٹی)کراچی میں بھی کورونا وائرس کے ٹیسٹ کی سہولت 24 گھنٹے بالکل مفت فراہم کی جا رہی ہے۔ایس آئی یو ٹی کے ترجمان نے کہا ہے کہ اسپتال میں 8 مشتبہ افراد کے ٹیسٹ کیے گئے ہیں جن میں 2 مریض آسٹریلیا اور سنگاپور سے آئے ہوئے ہیں، باقی 6 مریضوں نے کوئی سفر نہیں کیا تھا۔
ترجمان کے مطابق سندھ حکومت کی جانب سے ایس آئی یو ٹی کو کٹس بدھ کے روز کے روز فراہم کر دی گئی ہیں۔ترجمان ایس آئی یو ٹی نے کہاکہ اسپتال میں 8 مشتبہ افراد کے کورونا وائرس ٹیسٹ کیے گئے جن میں وائرس کی علامات تھیں، 2 مریض آسٹریلیا اور سنگاپور سے آئے ہوئے ہیں، باقی 6 مریضوں نے کوئی سفر نہیں کیا تھا۔ایس آئی یو ٹی کے ترجمان نے کہاکہ اسپتال میں ٹیسٹ کرنے کی سہولت 24 گھنٹے بالکل مفت فراہم کی جا رہی ہے، اسپتال میں آئسولیشن وارڈ اور اسکریننگ کی سہولتیں بھی موجود ہیں۔دریں اثنامعروف معالج اور سندھ انسٹی ٹیوٹ آف یورولوجی اینڈ ٹرانسپلانٹ کے روحِ رواں ڈاکٹر ادیب رضوی نے کہا ہے کہ ایس آئی یو ٹی میں 24 گھنٹے سے کورونا وائرس کی بلکل مفت اسکریننگ کی جارہی ہے، کورونا سے ڈریں مت، چیک اپ کروائیں۔سندھ انسٹیٹیوٹ آف یورولوجی اینڈ ٹرانسپلانٹیشن میں کورونا وائرس سے متعلق کانفرنس سے خطاب کرتے ہوئے ڈاکٹر ادیب رضوی نے بتایا کہ ہم نے کورونا وائرس کی اسکریننگ اور ٹیسٹنگ کا عمل شروع کیا ہے۔انہوں نے کہا کہ کچھ اسپتال کورونا وائرس ٹیسٹ کے پیسے لے رہے ہیں نام نہیں لینا چاہوں گا، ہم اپنے مریضوں سمیت دیگرجو باہر سے آرہے ہیں ان کے بھی ٹیسٹ کر رہے ہیں۔
ڈاکٹر ادیب رضوی نے کہاکہ ہر شخص کا کورونا وائرس کا ٹیسٹ نہیں کیا جاتا، چیسٹ انفیکشن، نمونیا، نزلہ زکام، کھانسی کی علامات ہیں تو انکا ٹیسٹ کیا جاتا ہے۔انہوں نے مشورہ دیا کہ کورونا سے ڈریں مت، چیک اپ کروائیں اور ڈاکٹر کے مشورے پر ٹیسٹ کروائیں، عوام آئسولیشن میں رہیں، رابطے کم کردیں، گھروں میں بھی تمام احتیاطی تدابیر کا خیال کریں۔ڈاکٹر ادیب رضوی نے کہاکہ تمام بتائی گئی احتیاطی تدابیر کا خیال کریں، ڈیلی ویجز پر جانے والے افراد کیلئے گھروں میں رہنا مشکل ہوگا۔انہوں نے کہا کہ حکومت اکیلے کچھ نہیں کرسکتی ہم سب کو مل کر سوچنا ہے اقدامات کرنے ہیں، حکومت اور عوام مل کر جب تک کوشش نہیں کرینگے صورتحال بہتر نہیں ہوگی۔
