لسبیلہ(این این آئی)حب میں آٹا ڈیلرز کے پاس آٹا اچانک غائب شہر میں آٹے کا مصنوعی بحران 1550میں ملنے والی بوری 1700سے تجاوز کرگئی کوروناوائرس کے خدشات کے پیش نظر حکومتی اقدامات عوام پر بھاری پڑنے لگے حب انتظامیہ خاموش۔

شہری حلقوں کے مطابق ملک میں کوروناوائرس کے خدشات کے پیش نظر احتیاطی تدابیر کے طور پر حکومت کی جانب سے شاپنگ مالز.مارکیٹ بند رکھنے کے علاوہ اشیا خوردنوش کے دکانیں محدود وقت تک کھلے رہنے کے احکامات کے بعد حب شہر میں آٹا ڈیلرز کے دکانوں میں سے اچانک آٹا غائب ہوگیا ہے شہر میں آٹا ڈیلرز کی جانب سے مبینہ طور پر مصنوعی بحران پیدا کرکے قیمتوں میں بھی اضافہ کردیا گیا ہے چند دکانوں میں آٹا مل رہا ہے وہ بھی 1550 روپے 35کلوگرام کی بوری 1700 سے زائد کی فروخت کی جارہی ہے اس سلسلے میں ڈیلرز کا موقف ہے آٹا فلور ملز سے نہیں مل رہا ہے ہمارے پاس آٹا نہیں ہے جبکہ صحافیوں نے آٹے کے چند گوداموں کا دورہ کیا تو وہاں بڑی مقدار میں آٹا ذخیرہ کیا گیا تھا البتہ میڈیا کے پہنچنے کے بعد فورا گوداموں سے آٹا نکالنا شروع کردیا گیا واضع رہے دنیا بھر میں کورونا وائرس کی وبا پھیل گئی ہے ایسے میں دیگر ممالک میں ہرشخص ایک دوسرے کے ساتھ تعاون کررہا ہے وہی حب میں آٹا ڈیلرز کی جانب سے اس مشکل گھڑی میں مبینہ ذخیرہ اندوزی کرکے منافع خوری کرنے کی کوشش سمجھ سے بالاتر ہے جبکہ حب میں آٹے کی مصنوعی بحران اور قیمتوں میں راتوں رات اضافے پر انتظامیہ خواب خرگوش میں مبتلا صحافیوں کی جانب سے انتظامیہ سے موقف لینے کی کوشش کی تاہم آفیسران اپنے دفاتر سے غائب تھے۔