اسلام آباد (این این آئی)چیئرمین سینیٹ کی ہدایت پر کرونا وائرس سے بچائو کے اقدامات مزید سخت کر دیئے گئے ۔بدھ کو تمام سینیٹ ملازمین کے لئے چیئرمین صادق سنجرانی نے نیا حکم نامہ جاری کر دیاجس کے مطابق سینیٹ ملازمین کو 3 اپریل تک نئی ہدایات پر فوری عمل کرنے کی ہدایت کی گئی، 50 سال سے زائد عمر کے بیمار ملازمین کو تین اپریل تک چھٹیاں دیدی گئیں ۔
ایڈیشنل،جوائنٹ اور ڈپٹی سیکرٹریز کو متبادل ڈیوٹیاں کرنے کی ہدایت کی گئی ،ایوان بالا کی خواتین ملازمین کو بھی دفتر آنے سے استثنیٰ مل گیا ،چیئرمین ،ڈپٹی چیئرمین اور سیکیورٹی کے آفسز معمول کے مطابق کام کرتے رہیں گے ،سینیٹ سیکرٹریٹ کے اوقات کار میں بھی تبدیلی کر دی گئی ،سینیٹ آفس کے ملازمین نو سے دو بجے تک ڈیوٹی سرانجام دیں گے۔
