لاہور(این این آئی) گور نر پنجاب چوہدری محمد سرور سے ملاقات کے بعد ینگ ڈاکٹر ز ایسوسی ایشن پنجاب کے صدرڈاکٹر سلمان حسیب نے سر کاری ہسپتالوں میں احتجاج مؤخر کرنے کا اعلان کر دیا ۔ ڈاکٹر نے گورنر پنجاب چوہدری محمدسرور سمیت گورنر کے تمام سٹاف اور سیکورٹی اہلکاروں کوسکریننگ کے بعد کرونا سے محفوظ قرار دیدیا جبکہ گور نر پنجاب چوہدری محمد سرور نے کہا کہ حکومت کورونا کی وباء کے روک تھام کیلئے تمام وسائل استعمال کر ے گی۔

ڈاکٹرز بھی حکومت کا بھر پور ساتھ دیں اور عوام کو کورونا کی وباء سے بچایا جائے ۔کورونا کے خلاف پوری قوم کو متحد ہونے کی ضرورت ہے سب کو اپنا کرداد ادا کر نا ہوگا۔ تفصیلات کے مطابق منگل کے روز گور نر ہائوس لاہور میں گور نر پنجاب چوہدری محمدسرور سے ینگ ڈاکٹرز ایسوی ایشن پنجاب کے صدر ڈاکٹر سلمان حسیب ،سینئر صدر ینگ ڈاکٹر ز ایسوسی ایشن پنجاب ڈاکٹر شعیب نیازی،صدر میو ہسپتال لاہور ڈاکٹر محمود احمد اورصدر جناح ہسپتال ڈاکٹر عاقب جاوید اور دیگر نے ملاقات کی اور ملاقات کے دوران ینگ ڈاکٹرز ایسوسی ایشن نے گور نر پنجاب چوہدری محمدسرور کو کورونا وائرس سے پیدا ہونیوالے حالات سمیت دیگر ایشوز کے بارے میں بتایا جسکے بعد ینگ ڈاکٹر زایسوسی ایشن نے گور نر پنجاب کی درخواست پر سر کاری ہسپتالوں میں اپنا احتجاج مؤخرکر نے کا اعلان کر دیا جبکہ دوسری طر ف گور نر پنجاب چوہدری محمدسرور کی ہدایات پر کورونا کی وباء سے بچنے کیلئے گور نر ہائوس میں حفاظتی انتظامات سخت کر دیئے گئے ہیں جبکہ ڈاکٹر نے گور نر پنجاب چوہدری محمدسرور کی بھی گور نر ہائوس کے مین گیٹ پر سیکر یننگ کی جسکے بعد گور نر اپنے دفتر آئے جبکہ گورنر ہائوس میںآنیوالے تمام افراد اور سٹاف کی بھی روزانہ کی بنیادوں پر سکر یننگ ہوگی۔ گور نر پنجاب چوہدری محمدسرور نے ڈاکٹر ز سے ملاقات کے دوران گفتگو کرتے ہوئے کہا کہ حکومتی اداروں کیساتھ ساتھ ڈاکٹرز کو بھی کورونا سے بچائو کیلئے اپنا کردار دادا کر نا ہوگا ۔ اُنہوں نے کہا کہ حکومت کورونا کی وباء کے روک تھام کیلئے تمام وسائل استعمال کر ے گی اور انشاء اللہ ہم سب نے ملکر کورونا وائر س سے خود بھی بچنا ہے اور اپنی عوام کو بھی بچانا ہے اور حکومتی ادارے اس بارے میں24گھنٹے کام کر رہے ہیں۔