لاہور( این این آئی) مسلم لیگ (ن) پنجاب کی سیکرٹری اطلاعات عظمی بخاری نے کہا ہے کہ مریم نواز صرف آدھے دن کیلئے گھر سے نکلی ہیں توحکومتی صفوں میں کھلبلی مچ گئی ہے،کٹھ پتلی حکمران وزیراعظم ہائوس میں قابض ہونے کے باوجود نوازشریف کے نام سے خوفزدہ ہیں۔ اپنے بیان میں انہوں نے کہا کہ ووٹ کو عزت دو کا نعرہ نیازی حکومت کیلئے خوف کی علامت بن چکا ہے،ووٹ خریدنے والے اور ووٹ کے تقدس کو پامال کرنے والے ووٹ کی اہمیت سے واقف نہیں ہو سکتے۔ انہوں نے کہا کہ مریم نواز کی خاموشی پر باتیں کرنے والوں کو

اب مریم نواز کی بات سننے اور برداشت کرنے کا حوصلہ پیدا کرنا ہوگا۔ انہوںنے کہا کہ حکومت کا گھنائونا چہرہ بے نقاب ہو چکا ہے ،میڈیا ہائوسز کو ڈرایا دھمکایا جا رہا ہے،طاقت کے زور پر حق اور سچ کو دبایا نہیں جا سکتا۔ عظمیٰ بخاری نے کہا کہ مریم نواز پارٹی کارکنوں کیلئے امید کی کرن بن کے باہر نکلی ہیں،پارٹی کا ہر کارکن مریم نواز کے شانہ بشانہ کھڑا ہے،ریم نواز کا سیاست میں ایک ہی مشن سویلین بالادستی اور آئین کی سربلندی ہے۔ا نہوںنے کہا ووٹ چور،چینی چور اور آٹا چور وں کا ٹولہ ووٹ کے تقدس سے ناواقف ہے۔

موضوعات:عظمیٰ بخاری