اسلام آباد(این این آئی) ایکسریس و ے پر واقع ہاؤسنگ ا سکیم ریورگارڈن کا تیس سالہ پرانا قبرستان ختم کردیاگیاہے۔ اس پر رہائشیوں کی جانب سے شدید احتجاج کیاجارہاہے۔ تفصیلات کے مطابق ریورگارڈن ہاؤسنگ اسیکم نے 1990ء میں اپنے قیام کے موقع پر منجملہ دیگراُمورکے اسکیم کے اندر 21کنال پرمشتمل قبرستان دکھاکر سی۔ڈی۔اے سے اسکیم چلانے کی منظوری حاصل کی تھی۔
اورتب سے اب تک میّتیں یہاں دفن کی جارہی تھیں لیکن اب ریورگارڈن انتظامیہ نے یہ مؤقف اختیارکرتے ہوئے قبرستان ختم کردیاہے کہ سی۔ڈی۔اے نے انہیں قبرستان کی جگہ کو بچوں کے کھیل کود کاگراؤنڈ بنانے کی ہدایت کی ہے۔ ریورگارڈن انتظامیہ نے مزیدکہاہے کہ اب سی۔ڈی۔اے کی ہدایت کے مطابق قبرستان بارہ کلومیٹردور کہوٹہ روڈ پر منتقل کردیاگیاہے۔ سی ڈی اے کے اس مبیّنہ حکم کے خلاف ریورگارڈن کے رہائیشوںنے شدیداحتجاج کیاہے۔ سینکڑوں افراد کی جانب سے سی۔ڈی۔اے کے چیئرمین کواحتجاجی یادداشت پیش کی گئی ہے جس کی نقول وزیراعظم عمران خان، چیف جسٹس گلزاراحمد سمیت دیگراعلیٰ شخصیات کی خدمت میں ارسال کرکے ان سے فوری مداخلت کی اپیل کی گئی ہے۔ رہائشیوں نے اپنی یادداشت میں سی۔ڈی۔اے کے اس ظالمانہ حکم کو فوری طورپر واپس لینے کا مطالبہ کیاہے، انہوں نے کہاہے کہ قبرستان کی جگہ کوکسی صورت کھیل کود کے گراؤنڈ میں بدلنے کی اجازت نہیں دی جائے گی۔
